ഹിന്ദുവാണെന്ന്​ പറഞ്ഞിട്ടും പാൻറഴിച്ച്​ പരിശോധിക്കാൻ ശ്രമിച്ചുവെന്ന്​ പത്രപ്രവർത്തകൻ

ന്യൂഡൽഹി: ആൾക്കൂട്ടം ആക്രമിച്ചപ്പോൾ ഹിന്ദുവാണെന്നും ബ്രാഹ്​മണനാണെന്നും പറഞ്ഞ്​ കരഞ്ഞിട്ടും മുസ്​ലിമാണോ എന്ന്​ നോക്കാനായി പാൻറഴിക്കാൻ ശ്രമിച്ചുവെന്ന്​ പത്രപവർത്തകൻ. ജൻ ചൗക്ക്​ എന്ന ഹിന്ദി പ്രസിദ്ധീകരണത്തി​​െൻറ ലേഖകൻ സുശീൽ മാനവാണ്​ കലാപ ബാധിത പ്രദേശത്തെ ദൃശ്യങ്ങൾ പകർത്താൻ ശ്രമിക്കുന്നതിനിടെ ആൾക്കൂട്ടത്തി​​െൻറ കയ്യേറ ്റത്തിനിരയായത്​.

മൗജ്​പൂരിൽ മറ്റൊരാളുടെ കൂടെ മോ​േട്ടാർ ബൈക്കിൽ സഞ്ചരിച്ച്​ ദൃശ്യങ്ങൾ പകർത്തുകയായ ിരുന്നു സുശീൽ മാനവ്​. ഹെഡ്​ കോൺസ്​റ്റബ്​ൾ കൊല്ലപ്പെട്ട പ്രദേശ​ത്തെത്തിയപ്പോൾ ചിലർ ബൈക്ക്​ തടയുകയും എന്തിനാണ്​ ദൃശ്യങ്ങൾ പകർത്തുന്നതെന്ന്​ ചോദിച്ച്​ കയ്യേറ്റം ചെയ്യുകയുമായിരുന്നു. പത്രപ്രവർത്തകനാണെന്ന്​ പറഞ്ഞിട്ടും സംഘം വിട്ടില്ല. അപ്പോഴേക്കും ഇരു​പ​ത്തഞ്ചോളം ആളുകൾ ആയുധങ്ങളുമായി തടിച്ചു കുടുകയും ചെയ്​തു. ചിലരുടെ കയ്യിൽ നാടൻ തോക്കുകളുമുണ്ടായിരുന്നുവെന്ന്​ സുശീൽ മാനവ്​ പറഞ്ഞു.

സുശിൽ മാനവിനെയും കൂടെയുണ്ടായിരുന്ന അവദു ആസാദിനെയും അവിടെ കൂടിയവർ മർദിക്കാൻ തുടങ്ങി. തൂക്കു ​ചൂണ്ടിയപ്പോഴാണ്​ ​ താൻ ഹിന്ദുവാ​െണന്നും ബ്രാഹ്​മണനാണെന്നും പറഞ്ഞ്​ സുശീലിന്​ കരയേണ്ടിവന്നത്​. അങ്ങനെയെങ്കിൽ പാൻറഴിച്ച്​ കാണിക്കണമെന്നായി അക്രമികൾ. മുറിവേറ്റ്​ രക്​തമൊലിക്കുന്ന അവസ്​ഥയിലായിരുന്നു അപ്പോൾ അവദു. മുസ്​ലിംകളല്ലെന്ന്​ അവർക്ക്​ ബോധ്യപ്പെട്ടിട്ടും ദൃശ്യങ്ങൾ പകർത്തിയത്​ എന്തിനെന്ന്​ ചോദിച്ച്​ മർദനം തുടർന്നു. അവിടെയെത്തിയ രണ്ട്​ പൊലീസ്​ കോൺസ്​റ്റബ്​ളുകളാണ്​ അവരെ അവിടെ നിന്ന്​ രക്ഷിച്ചത്​. കയ്യിലുണ്ടായിരുന്ന പണവും മൊബൈൽ ഫോണും അക്രമികൾ തട്ടിയെടുത്തിരുന്നു.

​െമാബൈൽ ഫോൺ പൊലീസിനെ അക്രമികൾ തിരിച്ചേൽപിച്ചു. അക്രമികൾക്കെതിരെ മറ്റു നടപടികൾക്കൊന്നും മുതിരാതിരുന്ന ​പൊലീസ്​ മർദനമേറ്റ രണ്ട്​ പേരെയും പ്രധാന റോഡിലെത്തിച്ചു​. കേസിലൊന്നും ​െപാലീസ്​ താൽപര്യം കാണിക്കാത്തതിനാൽ സുശീൽ മാനവ്​ ഇതുവരെയും പരാതിയൊന്നും കൊടുത്തിട്ടില്ല. ‘എനിക്ക്​ സുരക്ഷിതമായി വീട്ടിലെത്തിയാൽ മതിയായിരുന്നു’ എന്നാണ്​ അതേ​കുറിച്ച്​ അദ്ദേഹം പറഞ്ഞത്​.

അവിടെ നിന്ന്​ രക്ഷപ്പെട്ട സുശീലും അവദുവും ബാബർപൂരിലാണ്​ എത്തിയത്​. അവദുവി​​െൻറ മുറിവിൽ നിന്ന്​ അപ്പോഴും രക്​തമൊലിക്കുന്നുണ്ടായിരുന്നു. ‘അ​െതാരു മുസ്​ലിം ഭൂരിപക്ഷ മേഖലയായിട്ടും അവിടെ നിന്നുള്ളവർ ഞങ്ങളെ സഹായിക്കാനെത്തി. നാട്ടുകാർ ഞങ്ങളെ ഒരു ക്ലിനിക്കിലെത്തിക്കുകയും സൗജന്യമായി ചികിത്സ നൽകുകയും ചെയ്​തു’- സുശീൽ പറഞ്ഞതായി ദ ടെലഗ്രാഫ്​ റിപ്പോർട്ട്​ ചെയ്യുന്നു​.