എന്തിനും ഏതിനും യു.എ.പി.എ; കശ്​മീരിനെ പൂട്ടിക്കെട്ടാൻ അടുത്ത തന്ത്രമെന്ന്​ 2019ലെ കണക്കുകൾ

​ശ്രീനഗർ: ഭീകരവിരുദ്ധ നിയമമായ യു.എ.പി.എ ചുമത്തി ഏതുത​രം പ്രതിഷേധവും മുട്ടിക്കാൻ പൊലീസ്​ നീക്കമെന്ന്​ റിപ്പോർട്ടുകൾ. 2015 വരെ 60ൽ താഴെ യു.എ.പി.എ കേസുകളായിരുന്നത്​ 2019ലെത്തു​േമ്പാൾ ഒരു വർഷം 255 ആയാണ്​ ഉയർന്നത്​.

കശ്​മീരിൽ എന്തിനും ഏതിനും യു.എ.പി.എ ചുമത്തുകയാണെന്ന്​ ശ്രീഗനർ ആസ്​ഥാനമായുള്ള ഒരു അഭിഭാഷകനെ ഉദ്ധരിച്ച്​ 'സ്​ക്രോൾ' റിപ്പോർട്ട്​ ചെയ്യുന്നു. ക​േ​ല്ലറ്​ സംഭവങ്ങൾക്കു പോലും യു.എ.പി.എ ചുമത്തും. 2018ൽ യു.എ.പി.എ ചുമത്തിയ ഒരു അസിസ്റ്റന്‍റ്​ ​പ്രഫസറെ അടുത്തിടെ പൊലീസ്​ അറസ്റ്റ്​ ചെയ്​തിരുന്നു. കോളജ്​ അധ്യാപകനായ ഇദ്ദേഹം പതിവായി ജോലിക്കു ഹാജരാകുകയും കോളജിൽ ക്വാറന്‍റീൻ കേന്ദ്രം നടത്തുകയും ചെയ്​തതിന്​ രേഖകളുണ്ടായിട്ടും അറസ്റ്റ്​ ഒഴിവാക്കാൻ ഒളിവിൽ കഴിയുകയായിരുന്നുവെന്നാണ്​ പൊലീസ്​ ആരോപണം.

കഴിഞ്ഞ സെപ്​റ്റംബറിൽ ഷോപിയാനിൽ അധ്യാപകനും എട്ടു വിദ്യാർഥികളും ക്രിക്കറ്റ്​ കളിച്ചത്​ യു.എ.പി.എ പ്രകാരം കേസാക്കി മാറ്റിയ പൊലീസ്​ വാദം തള്ളി ഇവർക്ക്​ കോടതി ജാമ്യം അനുവദിച്ചിരുന്നു.

2019ൽ യു.എ.പി.എക്കു വരുത്തിയ ഭേദഗതിയാണ്​ ആരെയും അറസ്റ്റ്​ ചെയ്യാൻ പൊലീസിന്​ തുണയാകുന്നതെന്നാണ്​ ആരോപണം. അതുവരെയും നിരോധിത സംഘടനകളിൽ പ്രവർത്തിച്ചവർക്കെതിരിൽ മാ​ത്രമായിരുന്നു ഈ ഭീകര വിരുദ്ധ നിയമം ചുമത്താൻ യോഗ്യത. എന്നാൽ, 2019 ജൂലൈയിൽ കൊണ്ടുവന്ന ഭേദഗതി പ്രകാരം അംഗത്വമോ മറ്റു സാധ്യതകളോ ഇല്ലാതെ തന്നെ സർക്കാറിന്​ ആരെയും ഭീകരനായി മുദ്രകുത്താം.

യു.എ.പി.എ ചുമത്തുന്നതിന്​ പുറമെ ഈ നിയമത്തിലെ 25ാം വകുപ്പ്​ പ്രകാരം സ്വത്ത്​ കണ്ടുകെട്ടുന്നതും വ്യാപകമാണ്​. കഴിഞ്ഞ ഫെബ്രുവരിയിലെ പൊലീസ്​ റിപ്പോർട്ട്​ പ്രകാരം 'തീവ്രവാദ പ്രവർത്തനങ്ങൾ നിയന്ത്രിക്കാൻ' 46 കേസുകളിൽ പ്രതിചേർക്കപ്പെട്ടവരുടെ 61 വാഹനങ്ങൾ, അഞ്ച്​ വീടുകൾ, ആറ്​ കടകൾ, ഭൂമി, പണം എന്നിവ കണ്ടുകെട്ടാൻ അനുമതി നൽകി.

രാജ്യത്തുമുഴുക്കെയും ഇതേ സ്​ഥിതി തുടരുകയാണെന്ന്​ ആഭ്യന്തര മ​ന്ത്രാലയം ലോക്​സഭയിൽ അവതരിപ്പിച്ച കണക്കുകളിൽ വ്യക്​തമാണ്​. 2015നെ അപേക്ഷിച്ച്​ 2019ലെത്തു​േമ്പാൾ 72 ശതമാന​മാണ്​ ദേശീയ വർധന. ഇന്ത്യൻ സംസ്​ഥാനങ്ങളിൽ ഏറ്റവും ഉയർന്ന മൂന്നാമത്തെ സംസ്​ഥാനമാണ്​ യു.എ.പി.എ കേസുകളിൽ കശ്​മീർ. 2014നും 2019നുമിടയിൽ മാത്രം ജമ്മു കശ്​മീരിൽ 921 കേസുകളാണ്​ ചുമത്തിയത്​. 2020ലെ കണക്കുകൾ ദേശീയ ക്രൈം റെക്കോഡ്​സ്​ ബ്യൂറോ പുറത്തുവിട്ടിട്ടില്ല.

ഈ കേസ്​ പ്രകാരം 180 ദിവസം വരെ അന്വേഷണത്തിന്​ എടുക്കാൻ പൊലീസിന്​ സമയമുണ്ടാകും. പതിവു കേസുകളിൽ 60- 90 ദിവസം മാത്രമുള്ളിടത്താണ്​ ഈ സമയം. അതോടെ കസ്റ്റഡിയിലുള്ളവർക്ക്​ ​ജാമ്യത്തിന്​ അപേക്ഷ നൽകാൻ പോലും ആറു മാസം കാത്തിരിക്കണം.

ശ്രീനഗറിൽ വെടിവെപ്പിൽ കൊല്ലപ്പെട്ടുവെന്ന്​ സുരക്ഷാസേന പറയുന്ന 16കാരനായ മകന്‍റെ മൃതദേഹം വിട്ടുകിട്ടാൻ തന്‍റെ ഗ്രാമത്തിൽ പ്രതിഷേധ മാർച്ച്​ നടത്തിയ പുൽവാമ സ്വദേശിക്കും മാർച്ചിൽ പങ്കാളികളായ ആറു പേർക്കുമെതിരെ യു.എ.പി.എ ചുമത്തിയതാണ്​ ഏറ്റവുമൊടുവിൽ സംസ്​ഥാനത്തും പുറത്തും വിവാദമുയർത്തുന്നത്​. കണ്ണീരണിഞ്ഞുനിൽക്കുന്ന പിതാവിന്‍റെ ചിത്രവുമായി മാധ്യമങ്ങൾ യു.എ.പി.എ വാർത്ത പുറത്തുവിട്ടതോടെ ന്യായീകരിച്ച്​ പൊലീസ്​ മേധാവിയും രംഗത്തെത്തി. 'മകന്‍റെ മൃതദേഹം വിട്ടുകിട്ടാൻ മാർച്ച്​ നടത്തിയാൽ അത്​ കേസ്​ ആകില്ലെന്നും എന്നാൽ, ദേശവിരുദ്ധ മുദ്രാവാക്യം മുഴക്കിയാൽ യു.എ.പി.എ ചുമത്തുമെന്നുമായിരുന്നു കശ്​മീർ പൊലീസ്​ ഐ.ജി വിജയ്​ കുമാറിന്‍റെ പ്രതികരണം. എന്നാൽ, അത്തരം മുദ്രാവാക്യങ്ങളൊന്നും മുഴങ്ങിയില്ലെന്നും പൊലീസ്​ തന്നെ പ്രകടനം വിഡിയോയിൽ പകർത്തിയതാണെന്നും പിതാവ്​ പറയുന്നു.