Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഹിമാലയത്തിൽ കണ്ടെത്തിയ ...

ഹിമാലയത്തിൽ കണ്ടെത്തിയ കാൽപ്പാടുകൾ യെതിയു​െടതല്ല; കരടിയുടെതെന്ന്​ നേപാൾ

text_fields
bookmark_border
ഹിമാലയത്തിൽ കണ്ടെത്തിയ കാൽപ്പാടുകൾ യെതിയു​െടതല്ല; കരടിയുടെതെന്ന്​ നേപാൾ
cancel

ന്യൂഡൽഹി: കഥകളിൽ പ്രതിപാദിക്കുന്ന മഞ്ഞു മനുഷ്യൻ ​െയതിയുടെ കാൽപ്പാടുകൾ കണ്ടെത്തിയെന്ന ഇന്ത്യൻ സൈന്യത്തിൻെറ അവകാശവാദം തള്ളി നേപാൾ ​ൈസന്യം. ഇന്ത്യൻ സൈന്യം കണ്ടത്​ കരടിയുടെ കാൽപാടുകളാണെന്ന്​ നേപാൾ വ്യക്​തമാക്കി.

കരസേനയുടെ പർവ​താരോഹണ സംഘം ​െയതിയുടെ കാൽപ്പാടുകൾ കണ്ടെത്തിയെന്നാണ്​ ഇന്ത്യൻ സൈന്യം ഔദ്യോഗിക ട്വിറ്റർ പേജിലൂടെ അറിയിച്ചിരുന്നത്​. 32 ഇഞ്ച്​ നീളവും 15 ഇഞ്ച്​ വീതിയുമുള്ള ​െയതിയുടേതെന്ന്​ സംശയിക്കുന്ന ജീവിയുടെ കാൽപ്പാടുകളുടെ ചിത്രമാണ്​ ഇന്ത്യൻ സൈന്യം ട്വിറ്ററിൽ പോസ്​റ്റ്​ ചെയ്​തിരിക്കുന്നത്​​. മക്കാളു ബേസ്​ ക്യാമ്പിന്​ സമീപമാണ്​ കാൽപ്പാടുകൾ കണ്ടെത്തിയിരുന്നത്​.

എന്നാൽ സൈന്യത്തോടൊപ്പം ഉണ്ടായിരുന്ന പ്രാദേശിക പോർട്ടർമാർ ഇത്​ യെതിയുടെ കാൽപ്പാടുകളാണെന്ന അവകാശവാദം തള്ളിയിരുന്നു. നേപാൾ ​ൈസനിക വക്​താവ്​ ബ്രിഗേഡിയർ ജനറൽ ബിഗ്യാൻ ദേവ്​ പാണ്ഡെയാണ്​ പോർട്ടർമാർ ഇന്ത്യൻ സൈന്യത്തിൻെറ വാദം തള്ളിയ കാര്യം അറിയിച്ചത്​. യാഥാർഥ്യമറിയാൻ തങ്ങൾ ശ്രമിച്ചിരുന്നു. പോർട്ടർമാരും പ്രദേശവാസികളും പറയുന്നത്​ ഇത്​ ഇടക്കിടെ വരാറുള്ള കാട്ടു കരടിയുടെ കാൽപ്പാടുകളാണ്​ എന്നാണ്​ എന്നും നേപാൾ സൈനിക വക്​താവ്​ അറിയിച്ചു.

യെതിയുടെതെന്ന അവകാശ വാദത്തോടെ ഒരു കാൽപാദത്തിൻെറ മാത്രം ചിത്രമാണ്​ കരസേന ട്വിറ്ററിൽ പങ്കുവെച്ചിരുന്നത്​.

Show Full Article
TAGS:indian army Yeti Wild Bear nepal india news malayalam news 
Next Story