വിശ്വാസവോട്ട്​ ബി.​ജെ.പിയുടെ നിലപാട്​ ശരിവെക്കുന്നു -പരീകർ

പനാജി: സർക്കാറുണ്ടാക്കാൻ ഭൂരിപക്ഷമുണ്ടെന്ന ബി.​ജെ.പിയുടെ നിലപാട്​ ശരിയെന്ന്​​ തെളിയിക്കുന്നതാണ്​ വിശ്വാസ വോ​െട്ടടുപ്പിലെ വിജയമെന്ന്​ ഗോവ മുഖ്യമന്ത്രി മനോഹർ പരീകർ.   ഭൂരിപക്ഷം തെളിയിക്കാൻ ഞങ്ങൾക്ക്​ സാധിച്ചു. കോൺഗ്രസിന്​ ഭൂരിപക്ഷമുണ്ടെന്ന ദിഗ്​വിജയ്​ സിങ്ങി​​െൻറ അവകാശവാദത്തെ തകർത്താണ്​ തങ്ങൾ ഭൂരിപക്ഷം നേടിയത്​. ആരെയും ഹോട്ടലിൽ താമസിപ്പിച്ചോ പ്രത്യേകമായി താമസിപ്പിച്ചോ നേടിയതല്ല വിജയമെന്നും പരീകർ പറഞ്ഞു.

ഇതെരു സംയുക്​ത സർക്കാറാണ്​. തീരുമാനങ്ങളും കൂട്ടായി എടുക്കേണ്ടതാണെന്നും മുഖ്യമന്ത്രി കൂട്ടിച്ചേർത്തു. മന്ത്രി സഭാ സമ്മേളനം നാളെ നടക്കുമെന്നും അദ്ദേഹം കൂട്ടിച്ചേർത്തു. ബജറ്റ്​ സമ്മേളനം പൂർത്തീകരിച്ച ശേഷം മന്ത്രി സഭാ വിപുലീകരണമുണ്ടാകുമെന്നും പരീകർ മാധ്യമങ്ങളോട്​ പറഞ്ഞു. പണിയെടുക്കാനല്ലാതെ ഗോവയിൽ വിനോദത്തിന്​ മാത്രം വന്നതിനാലാണ്​ കോൺഗ്രസിന്​ തോൽവി പിണഞ്ഞതെന്ന്​ ദ്വിഗ്​ വിജയ്​ സിങ്ങി​നെ പേരെടുത്ത്​ പരാമർശിക്കാതെ പരീകർ പറഞ്ഞു.

അതേസമയം, ജനശക്​തിയേക്കാൾ പണത്തിനാണ്​ ശക്​തിയെന്ന്​ തെളിഞ്ഞതായി പരീകറി​​െൻറ വിജയത്തെ കുറിച്ച്​ ദ്വിഗ്​വിജയ്​ സിങ്​ ട്വീറ്റ്​ ചെയ്​തു. ഗോവയിലെ ജനങ്ങൾ ബി.ജെ.പിയെ തകർത്തു. എന്നാൽ ബി.ജെ.പി വിരുദ്ധ വോട്ടുകൾ നേടിയവർ ഗോവയെ ബി.​ജെ.പിക്ക്​ വിറ്റുവെന്നും അ​​േദ്ദഹം ട്വിറ്ററിൽ കുറിച്ചു.