സിന്ധ്യയെ കാണാനില്ലെന്ന് പോസ്​റ്ററടിച്ച്​​ കോൺഗ്രസ്​ എം.എൽ.എ​; കോവിഡ്​ കാലത്ത്​ വിദേശത്തേക്ക്​ മുങ്ങിയെന്ന്​

ഗ്വാളിയോർ: കോവിഡ്​ കാലത്ത്​ ജനങ്ങളെ മറന്ന്​ വിദേശത്തേക്ക്​ കടന്നുവെന്നാരോപിച്ച്​ മുൻ കേ​ന്ദ്രമന്ത്രിയും ബി.ജെ.പി രാജ്യസഭ എം.പിയുമായ ജ്യോതിരാദിത്യ സിന്ധ്യക്കെതിരെ രൂക്ഷ വിമർശനം. സിന്ധ്യയുടെ സ്വന്തം തട്ടകമായ ഗ്വാളിയോൾ-ചമ്പൽ മേഖലയിലെ ഗ്വാളിയോർ (സൗത്ത്​) മണ്ഡലത്തിൽ നിന്നുള്ള കോൺഗ്രസ്​ എം.എൽ.എ പ്രവീൺ പഥക്​ ആണ് സിന്ധ്യയെ​ 'കാണാനില്ല' എന്ന്​ കാണിച്ച്​ സാമൂഹിക മാധ്യമങ്ങളിൽ പോസ്​റ്റർ പങ്കുവെച്ചത്​.

'കാര്യങ്ങളെല്ലാം നേരെയാകു​േമ്പാൾ അദ്ദേഹം തിരിച്ചുവരും'-ഗ്വാളിയോറിലെ ജനങ്ങൾ മഹാമാരിക്കാലത്ത്​ ദുരിതമനുഭവിക്കു​േമ്പാൾ സിന്ധ്യ ദുബൈയിൽ വ്യക്തിപരമായ ജോലികളിലാണെന്ന്​ പഥക് പോസ്​റ്റിലൂടെ​ കുറ്റപ്പെടുത്തി.

ഗ്വാളിയോറിലെ ജനങ്ങൾ തെരഞ്ഞെടുപ്പ്​ സമയത്ത്​ മാത്രമാണ്​ സിന്ധ്യ കുടുംബാംഗങ്ങൾ ആകുന്നതെന്നും അദ്ദേഹം പറഞ്ഞു. രാഹുൽ ഗാന്ധി, പ്രിയങ്ക ഗാന്ധി, കമൽനാഥ്​, ശിവരാജ്​ സിങ്​ ചൗഹാൻ എന്നിവാരെയും പോസ്​റ്റിൽ ടാഗ്​ ചെയ്​തിട്ടുണ്ട്​.

2020 മേയിലും ഗ്വാളിയോറിൽ സമാനമായ പോസ്​റ്റർ കണ്ടിരുന്നു. സിന്ധ്യയെ കുറിച്ച്​ വിവരങ്ങൾ നൽകുന്നവർക്ക്​ 5100 രൂപ ഇനാം നൽകുമെന്നായിരുന്നു പോസ്​റ്റർ. ​ഇതുമായി ബന്ധ​പ്പെട്ട്​ ഒരു കോൺഗ്രസ്​ നേതാവ്​ അറസ്​റ്റിലായിരുന്നു.