ഡൽഹിയിൽ മൂന്നുനില കെട്ടിടം തകർന്ന്​ നാലു കുട്ടികളും സ്​ത്രീയും മരിച്ചു

ന്യൂഡൽഹി: വടക്കു കിഴക്കൻ ഡൽഹിയിലെ അശോക്​ വിഹാറിൽ മൂന്നു നില കെട്ടിടം തകർന്ന്​ വീണ്​ ഒരു സ്​ത്രീയും നാലു കുട്ടികളും മരിച്ചു. ഏഴു പേർക്ക്​ പരിക്കേറ്റു. പരിക്കേറ്റവരെ സമീപത്തെ ആശുപത്രിയിലേക്ക്​ മാറ്റി. ഇന്ന്​ രാവിലെയാണ്​ സംഭവം.

മുന്നി എന്ന സ്​ത്രീയാണ്​ മരിച്ചത്​. അഞ്ചു വയസിനു താഴെയുള്ള പെൺകുട്ടിയും സഹോദരനും 10 വയസുള്ള സഹോദരങ്ങളായ രണ്ട്​ കുട്ടികളുമാണ്​ മരിച്ച മറ്റുള്ളവർ.

കെട്ടിടാവശിഷ്​ടങ്ങൾക്കിടയിൽ ധാരാളം പേർ കുടുങ്ങിക്കിടക്കുന്നതായി സംശയിക്കുന്നു. രക്ഷാ പ്രവർത്തനം തുടരുന്നുണ്ട്​.