ജമ്മു കശ്​മീരിൽ മേഘവിസ്​ഫോടനത്തിൽ അഞ്ചുമരണം; 40ഓളം പേരെ കാണാതായി

ശ്രീനഗർ: ജമ്മു കശ്​മീരിലെ കിഷ്​ത്വാറിലുണ്ടായ മേഘവിസ്​ഫോടനത്തിൽ അഞ്ചു മരണം. 40ഓളം ​േപരെ കാണാതായതാണ്​ വിവരം.

ജമ്മു കശ്​മീരിലെ കിഷ്​ത്വർ ജില്ലയിലെ ഗ്രാമത്തിൽ ബുധനാഴ്ച രാവിലെയോടെയാണ്​ അപകടം.

മേഘവിസ്​ഫോടന​ത്തെ തുടർന്നുണ്ടായ വെള്ളപ്പൊക്കത്തിൽ എട്ടു വീടുകൾ തകർന്നു. സ്​ഥലത്ത്​ രക്ഷാപ്രവർത്തനം പുരോഗമിക്കുകയാണ്​. കൂടുതൽ വിവരങ്ങൾ ലഭ്യമായിട്ടില്ല.

വ്യോമസേന ഹെലികോപ്​ടറിൽ രക്ഷാപ്രവർത്തനം നടത്തുന്നുണ്ടെന്നും പരിക്കേറ്റവരെ രക്ഷപ്പെടുത്താനുള്ള ​​ശ്രമത്തിലാണെന്നും കേന്ദ്രമന്ത്രി ഡോ. ജിതേന്ദ്ര സിങ്​ പറഞ്ഞു.

ദിവസങ്ങളായി ജമ്മു പ്രദേശത്ത്​ കനത്ത മഴയാണ്​. ഇൗ മാസം അവസാനം വരെ മഴ തുടരുമെന്നാണ്​ മുന്നറിയിപ്പ്​.