യാത്രക്കിടെ ട്രെയിനിന്റെ ബോഗികൾ എഞ്ചിനിൽ നിന്ന് വിട്ടുപോയി

ബിഹാർ: ബിഹാറിൽ ​യാത്രക്കിടെ ട്രെയിൻ ബോഗികൾ എഞ്ചിനിൽ നിന്ന് വിട്ടുപോയി. മുസാഫർപുർ -നർകതിയഗഞ്ച് റെയിൽവേ സെക്ഷനിൽ ബെത്യ മജൗലിയ സ്റ്റേഷനിനു സമീപമാണ് സംഭവം. സത്യാഗ്രഹ എക്സ്പ്രസ് ട്രെയിനി​ന്റെ അഞ്ച് ബോഗികളാണ് എഞ്ചിനിൽ നിന്ന് വിട്ടുപോയത്.

എഞ്ചിനുൾപ്പെടെയുള്ള ഭാഗം അൽപ്പം മു​ന്നോട്ട് ​പോയി നിന്നു. എഞ്ചിനിൽ നിന്ന് വിട്ടുപോയ ഭാഗം ബാക്കിയുള്ള ഭാഗത്ത് പോയി ഇടിക്കാത്തതിനാൽ വൻ അപകടം ഒഴിവായി.

അപകടത്തിൽ ആർക്കും പരിക്കേറ്റിട്ടില്ല. ഈസ്റ്റ് ​സെൻട്രൽ റെയിൽവേ ഉദ്യോഗസ്ഥർ സംഭവ സ്ഥലത്തെത്തിയിട്ടുണ്ട്.