രാജ്യത്ത്​ 1.60 കോടി കന്നി വോട്ടർമാർ

• പുരുഷവോട്ടർമാർ-46.5 കോടി
• സ്​ത്രീ വോട്ടർമാർ- 43.2 കോടി
• ഭിന്നലിംഗക്കാർ -33,109 കോടി
• സർവിസ്​ വോട്ടർമാർ- 16.62 ലക്ഷം

● സർവിസ്​ വോട്ടർമാർ: സൈനികർ, സായുധ പൊലീസ്​ സേനകൾ, വിദേശത്ത്​ ജോലിചെയ്യ ുന്ന ഇന്ത്യൻ ജീവനക്കാർ എന്നിവർ. ഇവർക്ക്​ തപാൽ വഴിയോ അല്ലെങ്കിൽ പ്രതിനിധി വഴിയോ (മുക്ത്യാർ) വോട്ട്​ചെയ്യാ ം.

90 കോടി​ വോട്ടർമാർ (കൃത്യം 89.88 കോടി) ഇത്തവണ ജനാധിപത്യാവകാശം വിനിയോഗിക്കും. അതിൽ 18-19 പ്രായക്കാരായ കന്നിവേ ാട്ടർമാരുടെ എണ്ണം 1.59 കോടി. 2019 ജനുവരി ഒന്നിന്​​ 18 വയസ്സു തികയുന്നവർക്കായിരുന്നു​ വോട്ടർപ്പട്ടികയിൽ പേര്​ ചേർ ക്കാൻ അവസരം. ആകെ വോട്ടർമാരിൽ 1.7 ശതമാനമാണ്​ കന്നി വോട്ടർമാർ. 2014ലെ തെരഞ്ഞെടുപ്പിലേതിനെക്കാൾ ആദ്യ വോട്ടർമാരുട െ എണ്ണം ഇത്തവണ കുറവാണ്​. കഴിഞ്ഞ തെരഞ്ഞെടുപ്പിൽ കന്നി വോട്ടർമാരുടെ എണ്ണം 2.3 കോടിയായിരുന്നു.

കന്നിവോട്ടർമാർ ഏറ്റവും കൂടുതൽ

1. രാജസ്​ഥാനിൽ - 20.3 ലക്ഷം.
2. ബംഗാൾ: 20 ലക്ഷം.
3. ഉത്തർപ്രദേശ്​-16.76 ലക്ഷം,
4. മധ്യപ്രദേശ്​-13.6 ലക്ഷം,
5. മഹാരാഷ്​ട്ര-11.99 ലക്ഷം

2014 ൽ 83.4 കോടി വോട്ടർമാരായിരുന്നു ഉണ്ടായിരുന്നത്​.

• പുരുഷവോട്ടർമാർ- 43.70 കോടി​
• സ്​ത്രീ വോട്ടർമാർ-39.7 കോടി
• മറ്റുള്ളവർ- 28,527
• സർവിസ്​ വോട്ടർമാർ- 13.6 ലക്ഷം

● ഒാരോ പൗരനും വോട്ട്​ ചെയ്​തുവെന്ന്​ ഉറപ്പിക്കാനും ചെയ്​ത വോട്ട്​ ഭദ്രമായി തിരിച്ചേൽപ്പിക്കാനും ചുമതലപ്പെട്ട തെരഞ്ഞെടുപ്പ്​ ഉദ്യോഗസ്​ഥരുടെ എണ്ണം ഒരു കോടിയിലേറെ വരും.

പോളിങ്​ സ്​റ്റേഷനുകൾ
4.36 ലക്ഷം കേന്ദ്രങ്ങളിലായി 10,35,932 പോളിങ്​ സ്​റ്റേഷനുകൾ. വോട്ടർപ്പട്ടികയിൽ ഏറ്റവും കൂടതൽ വോട്ടർമാർ ചേർന്നത്​ ബംഗാളിൽ-79ലക്ഷം. രണ്ടാമത്​ യു.പി- 73.8 ലക്ഷം. രാജസ്​ഥാൻ-61.2 ലക്ഷം

പ്രവാസി വോട്ട്​
2019ലെ ലോക്​സഭ തെരഞ്ഞെടുപ്പിൽ വിദേശങ്ങളിൽ ജോലി ചെയ്യുന്ന ഇന്ത്യൻ പൗരന്മാർക്ക്​ വോട്ട്​ ചെയ്യാൻ അനുമതിയുണ്ട്​. അതിനായി 6എ ഫോറം പൂരിപ്പിച്ച്​ തെരഞ്ഞെടുപ്പ്​ കമീഷന്​ ഒാരോരുത്തരും അപേക്ഷിക്കേണ്ടതുണ്ട്​. പൂരിപക്ഷ അപേക്ഷ nvsp.in എന്ന വെബ്​സൈറ്റിൽ​ ഒാൺലൈനായി സമർപ്പിക്കാം. അപേക്ഷ സ്വീകരിച്ചാൽ അനുമതിയുള്ളവർക്ക്​ വോ​െട്ടടുപ്പു ദിവസം ജോലി ചെയ്യുന്ന രാജ്യത്ത്​ ഏർപ്പെടുത്തിയിട്ടുള്ള പോളിങ്​ ബൂത്തിൽ ​െചന്ന്​ വോട്ട്​ ചെയ്യാം.

കേരളത്തിൽ വോ​െട്ടടുപ്പ്​ മൂന്നാംഘട്ടത്തിൽ; പ്രചാരണത്തിന്​ കൂടുതൽസമയം; ചെലവേറും
തിരുവനന്തപുരം: വോ​െട്ടടുപ്പ്​ മൂന്നാംഘട്ടത്തിലേക്ക്​ മാറിയതോടെ സംസ്​ഥാനത്ത്​ പ്രചാരണത്തിന്​ ഒന്നരമാസത്തോളം കിട്ടും. കൊടുംചൂടിൽ 43 ദിവസം പ്രചാരണം എന്ന വെല്ലുവിളിക്കൊപ്പം ചെലവും കുത്തനെ ഉയരും. ജനവിധി പിന്നെയും ഒരുമാസം പെട്ടിയിലിരിക്കും. കൂടുതൽസമയം കിട്ടിയത്​ ഗുണകരമാകുമെന്ന അഭിപ്രായമാണ്​ പ്രധാന നേതാക്കൾക്ക്​​.

വോട്ടർമാരെ സ്വാധീനിക്കാനും അടിയൊഴുക്ക്​ സൃഷ്​ടിക്കാനും സ്​ഥാനാർഥികൾക്ക്​ കൂടുതൽ സമയം ലഭിക്കും. വിഷു, ഇൗസ്​റ്റർ ആഘോഷങ്ങളും പൊതുപരീക്ഷകളും കഴിഞ്ഞുള്ള തീയതിയാണ്​ കേരളത്തിൽ നിശ്ചയിച്ചിരിക്കുന്നത്​. റമദാൻ വ്രതം തുടങ്ങുംമുമ്പ്​​ വോ​െട്ടടുപ്പ്​ കഴിയും. പത്രിക സമർപ്പണത്തിനും വോ​െട്ടടുപ്പിനും മുഴുവൻ നടപടിക്രമങ്ങളും തെരഞ്ഞെടുപ്പ്​ കമീഷൻ പൂർത്തിയാക്കിക്കഴിഞ്ഞു.