തെരഞ്ഞെടുപ്പ്​ കമീഷൻ ഉദ്യോഗസ്​ഥന്​ കോവിഡ്​

ന്യൂഡൽഹി: തെരഞ്ഞെടുപ്പ്​ കമീഷൻ ഉദ്യോഗസ്​ഥന്​ കോവിഡ്​ സ്​ഥിരീകരിച്ചു. തെരഞ്ഞെടുപ്പ്​ കമീഷനിലെ ഇ.വി.എം ഡിവിഷനിലെ ഉദ്യോഗസ്​ഥന്​​ കോവിഡ്​ സ്​ഥിരീകരിച്ചതായാണ്​ വിവരം​. ആദ്യമായാണ്​ തെരഞ്ഞെടുപ്പ്​ കമീഷനുമായി ബന്ധപ്പെട്ട ഉദ്യോഗസ്​ഥർക്ക്​ കോവിഡ്​ റിപ്പോർട്ട്​ ചെയ്യുന്നത്​​. കൂടുതൽ വിവരങ്ങൾ പുറത്തുവിട്ടിട്ടില്ല. 

നേരത്തേ, കേന്ദ്ര വാർത്ത വിനിമയ മന്ത്രാലയം, പ്രതിരോധ മന്ത്രാലയം, തൊഴിൽ മന്ത്രാലയം എന്നിവിടങ്ങളിലെ ഉന്നത ഉദ്യോഗസ്​ഥർക്ക്​ അടക്കം കോവിഡ്​ സ്​ഥിരീകരിച്ചിരുന്നു. 

അതേസമയം രാജ്യത്ത്​ കോവിഡ്​ ബാധിതരുടെ എണ്ണം രണ്ടരലക്ഷം കടന്നു. 24 മണിക്കൂറിനിടെ 9983 പേർക്കാണ് രോഗബാധ സ്ഥിരീകരിച്ചത്. 261 പേർ കൂടി മരിച്ചതോടെ മരണസംഖ്യ 7207 ആയി ഉയർന്നു.