ജാമിഅ സർവകലാശാലയിൽ വീണ്ടും വെടിവെപ്പ്

ന്യൂഡൽഹി: ജാമിഅ മില്ലിയ്യ ഇസ്​ലാമിയ സർവകലാശാലയിൽ വീണ്ടും വെടിവെപ്പ്. സർവകലാശാലയുടെ അഞ്ചാം നമ്പർ ഗേറ്റിൽ ഞായ റാഴ്​ച രാത്രി 11.50ഓടെയാണ് സംഭവം. വെടിവെപ്പിൽ ആർക്കും പരിക്കില്ലെന്നാണ് വിവരം.

സ്കൂട്ടറിലെത്തിയ രണ്ടുപേ രാണ് വെടിവെപ്പ് നടത്തിയതെന്ന് ജാമിഅ കോഡിനേഷൻ കമ്മിറ്റി പറഞ്ഞു. സംഭവ ശേഷം രക്ഷപ്പെട്ട അക്രമികളെ തിരിച്ചറിഞ്ഞി ട്ടില്ല. പൊലീസ് ഡെപ്യൂട്ടി കമീഷ്ണർ സ്ഥലത്തെത്തി.

സംഭവത്തിൽ പ്രതിഷേധിച്ച് വിദ്യാർഥികളും പ്രദേശവാസികളും സർവകലാശാല പരിസരത്ത് പ്രതിഷേധവുമായി ഒരുമിച്ച് കൂടി. തുടർന്ന് ജാമിഅ നഗർ പൊലീസ് സ്റ്റേഷനിലേക്ക് മാർച്ച് നടത്തി.

#WATCH Delhi: People gather in protest outside Jamia Millia Islamia University following an incident of firing at gate no.5 of the university. 2 scooty-borne unidentified people had fired bullets at the spot. SHO (Station house officer) is present at the spot. Investigation is on pic.twitter.com/EKlxQPBVum

— ANI (@ANI) February 2, 2020

നേരത്തെ, മ​ഹാ​ത്മാ ഗാ​ന്ധി​യു​ടെ ര​ക്​​ത​സാ​ക്ഷി​ത്വ ദി​ന​ത്തി​ൽ രാ​ജ്ഘ​ട്ടി​ലെ സ​മാ​ധി സ്​​ഥ​ല​ത്തേ​ക്ക്​ ലോ​ങ്​ മാ​ർ​ച്ച്​ ന​ട​ത്തി​യ ജാ​മി​അ മി​ല്ലി​യ്യ സ​ർ​വ​ക​ലാ​ശാ​ല വി​ദ്യാ​ർ​ഥി​​ക​ൾ​ക്കു നേ​രെ വെടിവെപ്പ് നടന്നിരുന്നു. വെടിവെപ്പിൽ ഒരു വിദ്യാർഥിക്ക് പരിക്കേറ്റിരുന്നു.
രണ്ടു ദിവസത്തിനുശേഷം ശാഹീൻബാഗ്​ സമരപ്പന്തലിലും വെടിവെപ്പുണ്ടായെങ്കിലും ആർക്കും പരിക്കേറ്റില്ല. വെടിയുതിർത്തയാളെ പൊലീസ്​ അറസ്​റ്റ്​ ചെയ്​തിരുന്നു.