തീപിടിത്തം: തമിഴ്നാട്ടിൽ ട്രെയിൻ ഗതാഗതം പുനഃരാരംഭിച്ചു; സർവീസ് നടത്തുന്നത് രണ്ട് ട്രാക്കിലൂടെ

ചെ​ന്നൈ: ഡീസൽ കയറ്റിയ ചരക്ക് ട്രെയിനിലുണ്ടായ വൻ തീപിടിത്തത്തെ തുടർന്ന് തമിഴ്നാട്ടിലെ തി​രു​വ​ള്ളൂ​രി​ൽ താറുമാറായ ട്രെയിൻ ഗതാഗതം ഭാഗികമായി പുനഃരാരംഭിച്ചു. നാല് ട്രാക്കുകളിൽ രണ്ടെണ്ണത്തിലൂടെയാണ് ട്രെയിൻ സർവീസ് നടക്കുന്നത്.

തീപിടിത്തെ തു​ട​ര്‍ന്ന് ഇന്നലെ ചെ​ന്നൈ-​അ​റ​ക്കോ​ണം റൂ​ട്ടി​ൽ ഇ​രു​ദി​ശ​ക​ളി​ലേ​ക്കും ട്രെ​യി​നു​ക​ൾ നി​ർ​ത്തി​വെ​ച്ചിരുന്നു. കേ​ര​ള​ത്തി​ൽ ​നി​ന്നു​ള്ള പ​ല ട്രെ​യി​ൻ സ​ർ​വി​സു​ക​ളെ​യും ബാ​ധി​ച്ചു. ചില സർവീസുകൾ പൂർണമായും ഭാഗികമായും റദ്ദാക്കി​. ചെ​ന്നൈ​യി​ലേ​ക്കും തി​രി​ച്ചു​മു​ള്ള ട്രെ​യി​ൻ സ​ർ​വീ​സു​ക​ൾ ത​ട​സ​പ്പെ​ട്ട​തി​നാ​ൽ അ​റ​ക്കോ​ണ​ത്ത് നി​ന്നും തി​രു​വ​ള്ളൂ​രി​ൽ നി​ന്നും പ്ര​ത്യേ​ക ബ​സു​ക​ൾ സ​ർ​വി​സ് ന​ട​ത്തി.

അ​തേസമയം, തീ​പി​ടി​ത്ത​ത്തി​ന് പി​ന്നി​ൽ അ​ട്ടി​മ​റി​യാ​ണെ​ന്നും സം​ശ​യ​മു​യ​ർ​ന്നി​ട്ടു​ണ്ട്. സം​ഭ​വ സ്ഥ​ല​ത്തി​ന് നൂ​റു മീ​റ്റ​ർ അ​ക​ലെ ട്രാ​ക്കി​ൽ വി​ള്ള​ൽ ക​ണ്ടെ​ത്തി​യ​താ​ണ് ഇ​തി​ന് കാ​ര​ണം. സം​ഭ​വ​ത്തെ കു​റി​ച്ച് അ​ന്വേ​ഷി​ക്കു​ന്ന​തി​ന് പ്ര​ത്യേ​ക സ​മി​തി​യെ നി​യോ​ഗി​ച്ചിട്ടുണ്ട്.

മ​ണാ​ലി​യി​ലെ ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ൻ പ്ലാ​ന്റി​ൽ ​നി​ന്ന് ജോ​ലാ​ർ​പേ​ട്ട​യി​ലേ​ക്ക് ഡീ​സ​ലു​മാ​യി പോ​യ ഗു​ഡ്‌​സ് ട്രെ​യി​നി​നാണ് തി​രു​വ​ള്ളൂ​രി​ന​ടു​ത്തു​ള്ള ഏ​ക​ത്തൂ​രി​ൽ വച്ച് തീ​പി​ടി​ച്ചത്. ഇതേതുടർന്ന് ട്രെ​യി​ൻ ഗ​താ​ഗ​തം താ​റു​മാ​റാ​യി. 15ഓ​ളം എ​ക്സ്പ്ര​സ് ട്രെ​യി​നു​ക​ൾ റ​ദ്ദാ​ക്കി​യ​ത് യാ​ത്ര​ക്കാ​രെ വ​ല​ച്ചു.

ച​ര​ക്ക് തീ​വ​ണ്ടി​യി​ലെ ടാ​ങ്ക​റു​ക​ൾ ഒ​ന്നി​നു പി​റ​കെ ഒ​ന്നാ​യി തീ​പി​ടി​ച്ച​തോ​ടെ മേ​ഖ​ല​യി​ലെ ജ​ന​ങ്ങ​ൾ​ക്ക് ശ്വാ​സം​മു​ട്ട​ൽ ഉ​ൾ​പ്പെ​ടെ​യു​ള്ള ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ട്ടു. ട്രെ​യി​നി​ൽ നി​ന്ന് വ​ൻ തോ​തി​ൽ തീ​യും പു​ക​യും വാ​നോ​ളം ഉ​യ​ര്‍ന്ന​ത് പ്ര​ദേ​ശ​ത്ത് ആ​ശ​ങ്ക ഉ​യ​ര്‍ത്തി. ട്രെ​യി​ൻ പാ​ളം തെ​റ്റി​യ​തി​നെ തു​ട​ർ​ന്ന് തീ​പി​ടി​ത്ത​മു​ണ്ടാ​യ​താ​യാ​ണ് പ്രാ​ഥ​മി​ക റി​പ്പോ​ർ​ട്ട്.

പ​ത്തി​ല​ധി​കം ഫ​യ​ര്‍ഫോ​ഴ്സ് യൂ​നി​റ്റു​ക​ളെ​ത്തി​യാ​ണ് തീ ​നി​യ​ന്ത്ര​ണ​വി​ധേ​യ​മാ​ക്കി​യ​ത്. പൊ​ലീ​സ്, സ​ന്ന​ദ്ധ പ്ര​വ​ർ​ത്ത​ക​ർ, നാ​ട്ടു​കാ​ർ തു​ട​ങ്ങി​യ​വ​രു​ടെ സ​ഹാ​യ​ത്തോ​ടെ എ​ട്ടു മ​ണി​ക്കൂ​ർ പ​രി​ശ്ര​മ​ങ്ങ​ൾ​ക്കൊ​ടു​വി​ൽ ഉ​ച്ച​ക്ക് ര​ണ്ട് മ​ണി​യോ​ടെ​യാ​ണ് തീ ​പൂ​ർ​ണ​മാ​യും അ​ണ​ക്കാ​നാ​യ​ത്. 52 ടാ​ങ്ക​റു​ക​ളി​ൽ 18 എ​ണ്ണം പൂ​ർ​ണ​മാ​യും ക​ത്തി​ന​ശി​ച്ചു. ഓ​രോ ടാ​ങ്ക​റി​ലും 54 ട​ൺ ഇ​ന്ധ​ന​മാ​ണ് ഉ​ണ്ടാ​യി​രു​ന്ന​ത്. മൊ​ത്തം 900 ട​ൺ ഡീ​സ​ൽ ക​ത്തി ന​ശി​ച്ചു.