ജസ്​റ്റിസ്​ കുര്യൻ ജോസഫി​െൻറ ഒൗദ്യോഗിക വസതിയിൽ അഗ്​നിബാധ

ന്യൂഡൽഹി: സുപ്രീംകോടതി ജഡ്​ജി ജസ്​റ്റിസ്​ കുര്യൻ ജോസഫി​​​​െൻറ ഒൗദ്യോഗിക വസതിയിൽ അഗ്​നിബാധ. തുഗ്ലക്ക്​ റോഡിലെ വസതിയിൽ വെള്ളിയാഴ്​ച രാത്രി 10 മണിയോടെയാണ്​  സംഭവം. അഗ്​നിശമന സേനാംഗങ്ങൾ സ്​ഥലത്തെത്തി 25 മിനിറ്റിനകം തീയണച്ചതായി ഡൽഹി അഗ്​നിശമന സേന ഒാഫിസിലെ മുതിർന്ന ഉദ്യോഗസ്​ഥൻ അറിയിച്ചു. വീട്ടിലെ കിടപ്പുമുറിയോടു ചേർന്ന പ്രാർഥനാമുറിയിലാണ്​ തീപിടിത്തമുണ്ടായത്​. കത്തിക്കൊണ്ടിരുന്ന മെഴുകുതിരി മറിഞ്ഞ്​ തുണിയിൽ വീണ്​​ തീപടരുകയായിരുന്നുവെന്ന്​ പൊലീസ്​ അറിയിച്ചു.