ഡൽഹി മാളവ്യ നഗറിൽ വൻ തീപിടിത്തം

ന്യൂഡൽഹി: ഡൽഹിയിൽ ജനസാന്ദ്രതയേറിയ മാളവ്യ നഗറിൽ തീപിടിത്തം. മാളവ്യ നഗറിലെ റബ്ബർ ഗോഡൗണിലാണ്​ ഇന്നലെ വൈകീട്ട്​ തീപിടിച്ചത്​. ഗോഡൗണിലാണ്​ ആദ്യം തീപിടിച്ചതെങ്കിലും പിന്നീട്​ തീ വ്യാപിക്കുകയായിരുന്നു. 

30 അഗ്നിശമന സേനാ യൂണിറ്റുകൾ തീയണക്കാൻ ശ്രമിച്ചു​െകാണ്ടിരിക്കുകയാണ്​. പ്രദേശത്ത്​ വഴികളെല്ലാം വളരെ ഇടുങ്ങിയതായതിനാൽ ഫയർ എഞ്ചിനുകൾക്ക്​ സംഭവ സ്​ഥലത്തേക്ക്​ ചെന്നെത്താൻ വളരെ പ്രയാസം നേരിടുന്നുണ്ട്​. തീയണക്കാനുള്ള ശ്രമത്തിനി​െട ഒരു അഗ്നിശമനസേനാംഗത്തിന്​ പരിക്കേറ്റു. 

ഗോഡൗണിന്​ സമീപത്തെ വീടുകളി​േലക്ക്​ തീപടർന്നിട്ടുണ്ട്​. ഇൗ വീടുകൾ ഒഴിപ്പിച്ചിരുന്നതിനാൽ ആളപായമുണ്ടായിട്ടില്ല. വീടുകളാൽ ചുറ്റപ്പെട്ട മേഖലയിലാണ്​ ഗോഡൗൺ ഉള്ളത്​. സമീപത്തു തന്നെ സ്​കൂളുമുണ്ട്​. എന്നാൽ അപകടം അറിഞ്ഞ ഉടൻ പ്രദേശത്തു നിന്ന്​ ജനങ്ങളെ ഒഴിപ്പിച്ചതിനാൽ ആളപായം ഉണ്ടായിട്ടില്ല. 

#WATCH: Fire which broke out at a rubber godown in #Delhi's Malviya Nagar continues to rage, fire fighting operations underway. pic.twitter.com/Eh1JbBCcz8

— ANI (@ANI) May 29, 2018