സൂറത്തിലും ദീദർഗഞ്ചിലും തീപിടിത്തം; 35 പേർക്ക്​ പരിക്ക്​

സൂറത്ത്​: ഗുജറാത്തിലെ സൂറത്തിലുണ്ടായ വൻ തീപിടിത്തത്തിൽ 35 പേർക്ക്​ പരിക്ക്​. പാന്ദെസെര മേഖലയി​െല ​ഡൈയിങ്​ മില്ലിനാണ്​ തീപിടിച്ചത്​. സ്​ലാബ്​ വീണ്​ മില്ലിലെ പൈപ്പ്​ പൊട്ടി ഒായിൽ ചോർന്നതാണ്​ തീപിടിത്തത്തിന്​ ഇടവെച്ചതെന്നാണ്​ നിഗമനം. മില്ലിലെ തൊ​ഴിലാളികൾക്കാണ്​ പരിക്കേറ്റത്. അഗ്നിശമന സേന സ്​ഥലത്തെത്തി അപകടത്തിൽ പെട്ടവരെ ആശുപത്രിയിലെത്തിച്ചു. പരിക്കേറ്റവരിൽ മൂന്നു പേരുടെ നില ഗുരുതരമാണ്​. 

അതേസമയം, ബിഹാറി​െല ദീദർഗഞ്ചിൽ എൽ.പി.ജി ഗോഡൗണിലും തീപിടിത്തമുണ്ടായി. ഗോഡൗണിന്​ പരിസരത്ത്​ ഒരു സിലിണ്ടർ പൊട്ടിത്തെറിച്ചതിനെ തുടർന്നാണ്​ തീപിടിച്ചത്​. ആറ്​ അഗ്നിശമന യൂണിറ്റുകൾ എത്തി തീയണക്കാനുള്ള ശ്രമങ്ങൾ തുടരുകയാണ്​. തീ ഇതുവരെ നിയന്ത്രണ വിധേയമായിട്ടില്ല.