പാർലമെൻറ്​ കെട്ടിടത്തിൽ തീപിടിത്തം

ന്യൂഡൽഹി: പാർലമെൻറ്​ വളപ്പിലെ കെട്ടിടത്തിൽ തീപിടിത്തം. കെട്ടിടത്തിൻെറ ആറാം നിലയിലെ ആറാം നമ്പർ മുറിയിലാണ്​ തീ പടർന്നത്​. മറ്റുഭാഗങ്ങളിലേക്ക്​ തീ വ്യാപിച്ചിട്ടില്ല.
ഫയർഫോഴ്​സിൻെറ അഞ്ച്​ യൂനിറ്റുകൾ സ്ഥലത്തെത്തിയതായി വാർത്താ ഏജൻസിയായ എ.എൻ.ഐ അറിയിച്ചു.

രാവിലെ 7.30നാണ്​ തീപ്പിടിത്തം സംബന്ധിച്ച്​ വിവരം ലഭിച്ചത്​. ഉടൻ ഫയർഫോഴ്​സ്​ സംഘം സ്​ഥലത്തെത്തി തീ നിയന്ത്രണവിധേയമാക്കിയതായി ഡൽഹി ഫയർ സർവിസ് ഡയറക്ടർ അതുൽ ഗാർഗ് പറഞ്ഞു. ഷോർട്ട് സർക്യൂട്ടിനെ തുടർന്നാണ് തീപിടിത്തമുണ്ടായതെന്ന് സംശയിക്കുന്നു.