മുംബൈയിൽ നിർമാണത്തിലിരുന്ന കെട്ടിടത്തിൽ തീപിടിത്തം

മുംബൈ: മധ്യ മുംബൈയിലെ നിർമാണത്തിലിരുന്ന കെട്ടിടത്തിൽ തീപിടിത്തം. രാവിലെ കമല മിൽസ് വളപ്പിന് സമീപമാണ് സംഭവം. ആളപായം റിപ്പോർട്ട് ചെയ്തിട്ടില്ല. തീ അണക്കുന്നതിനായി അഞ്ച് അഗ്നിശമന സേനാ യൂണിറ്റുകൾ സ്ഥലത്ത് എത്തിയിട്ടുണ്ട്.

2017 ഡിസംബർ 29ന് കമല മിൽസ് വളപ്പിലെ രണ്ട് റൂഫ് ടോപ്പ് റെസ്റ്റോറന്‍റുകളിൽ തീപിടിത്തമുണ്ടായിരുന്നു. ഈ അപകടത്തിൽ 14 പേർ മരണപ്പെടുകയും നിരവധി പേർക്ക് പരിക്കേൽക്കുകയും ചെയ്തു.