ഡൽഹി ആദായ നികുതി ഓഫീസ് കെട്ടിടത്തിൽ വൻ തീപിടുത്തം; ഒരാൾക്ക് പരിക്ക്

ന്യൂഡൽഹി: ഡൽഹിയിൽ ആദായ നികുതി ഓഫീസ് കെട്ടിടത്തിൽ വൻ തീപിടുത്തം. ഏഴോളം പേരെ സുരക്ഷിതമായി രക്ഷപ്പെടുത്തി. പരിക്കേറ്റവരെ സ്വകാര്യ ആശുപത്രിയിൽ പ്രവേശിപ്പിച്ചു. ഐടിഒ ഏരിയയിലെ ഇൻകം ടാക്സ് സിആർ ബിൽഡിങ്ങിലാണ് തീപിടുത്തമുണ്ടായത്.

21 ടെൻഡറുകൾ സ്ഥലത്തെത്തിച്ചിട്ടുണ്ട്. തീയണക്കാനുള്ള ശ്രമം പുരോ​ഗമിക്കുകയാണെന്ന് പൊലീസ് അറിയിച്ചു.

അതേസമയം തീപിടുത്തത്തിന്റെ കാരണം വ്യക്തമല്ലെന്നും സംഭവത്തിൽ അന്വേഷണം ഊർജിതമാക്കുമെന്നും പൊലീസ് അറിയിച്ചു.