സി.ബി.ഐ ആസ്ഥാനത്ത്​ തീപിടിത്തം

ന്യൂഡൽഹി: സിബിഐയുടെ ഡൽഹി ആസ്ഥാനത്ത് തീപിടിത്തം. രാവിലെ 11.35ഒാടെയാണ്​ പാർക്കിങ്​ ഏരിയയിൽ തീപടർന്നത്​. അഞ്ച് ഫയർ എൻജിനുകൾ സ്​ഥലത്തെത്തിയാണ്​ തീയണച്ചത്​. ആർക്കും പരിക്കില്ല.

പാർക്കിങ്​ സൈറ്റിൽ നിന്ന് തീയും പുകയും ഉയർന്നതോടെ ഉദ്യോഗസ്ഥർ ഓഫിസിന് പുറത്തേക്ക്​ ഓടി. ഇലക്ട്രിക് ഷോർട്ട് സർക്യൂട്ടാണ്​ തീ പിടിത്തത്തിന്​ കാരണമെന്ന്​ കരുതുന്നു. നാശനഷ്ടത്തിന്‍റെ വ്യാപ്തി സിബിഐ വിലയിരുത്തുന്നുണ്ട്​.