അലിഗഢിൽ പൗരത്വ ഭേദഗതിക്കെതിരെ പ്രതിഷേധിച്ച 60ൽപരം സ്​ത്രീകൾക്കെതിരെ കേസ്​

അലിഗഢ്​: പൗരത്വ ഭേദഗതി നിയമത്തിനും ദേശീയ പൗരത്വ പട്ടികക്കുമെതിരെ അലിഗഢിൽ പ്രതിഷേധിച്ച 60ൽപരം സ്​ത്രീകൾക്കെത ിരെ പൊലീസ്​ കേസെട​ുത്തു. നിരോധനാജ്ഞ ലംഘിച്ച്​ ഒത്തുചേർന്നതിനാണ്​ കേസെന്ന്​ പൊലീസ്​ പറഞ്ഞു.

‘‘ചില സ്​ത്രീകൾ പൗരത്വ ഭേദഗതി നിയമത്തിനും ദേശീയ പൗരത്വ പട്ടികക്കുമെതിരെ ഒത്തുകൂടി പ്രതിഷേധം സംഘടിപ്പിക്കാൻ ശ്രമിച്ചു. ഇത്​ സെക്ഷൻ 144 പ്രകാരമുള്ള നിരോധനാജ്ഞയുടെ ലംഘനമാണ്​. അതിനാൽ 60 മുതൽ 70 വരെ സ്​ത്രീകൾക്കെതിരെ എഫ്​.ഐ.ആർ രജിസ്​റ്റർ ചെയ്​തിട്ടുണ്ട്​.’’ അലിഗഢ് സിവിൽ ലൈൻ സർക്കിൾ ഓഫീസർ അനിൽ സമാനിയ പറഞ്ഞു.
​
പൗരത്വ ഭേദഗതി നിയമത്തിനെതിരെ രാജ്യത്ത്​ അങ്ങോളമിങ്ങോളം വിവിധ ഭാഗങ്ങളിൽ ശക്തമായ പ്രതിഷേധങ്ങൾ നടക്കുകയാണ്​.