വ്യാജ പരാതികൾ നൽകുന്നതിന് ഐ.ആർ.സി.ടി.സിയുടെ ഔദ്യോഗിക ഇമെയിൽ ഐഡി ദുരുപയോഗം ചെയ്തു; എഫ്.ഐ.ആർ രജിസ്റ്റർ ചെയ്ത് പൊലീസ്

ലക്നൗ: ഐ.ആർ.സി.ടി.സി വെബ്സൈറ്റിന്റെ ഒദ്യോഗിക ഇമെയിൽ അക്കൗണ്ട് ദുരുപയോഗം ചെയ്ത് വ്യാജ പരാതികൾ നൽകിയ കേസിൽ എഫ്.ഐ.ആർ ഫയൽ ചെയ്ത് ഗോമതി നഗർ പൊലീസ്. ഇന്ത്യൻ റെയിൽവേ കാറ്ററിങ് ആൻഡ് ടൂറിസം കോർപ്പറേഷൻറെ(ഐ.ആർ.സി.ടി.സി) പരാതിയിലാണ് നടപടി.

tourismlko@irctc.com, mculko@irctc.com എന്നീ ഇമെയിൽ ഐഡികൾ വ്യാജ പരാതി നൽകുന്നതിന് ഉപയോഗിച്ചുവെന്നാണ് ഐ.ആർ.സി.ടി.സി ലക്നൗ ഓഫീസ് മാനേജർ നവനീത് കുാർ പരാതി നൽകിയത്. പരാതി പ്രകാരം മാർച്ച് 1ന് വൈകുന്നേരം 4: 53 നും ഏപ്രിൽ 28ന് വൈകുന്നേരം 12: 22നുമാണ് പരാതിക്കാസ്പദമായ സംഭവം നടക്കുന്നത്.

ഇമെയിൽ ഐ.ഡി ദുരുപയോഗം ചെയ്തത് ഐ.ആർ.ടി.സിയുടെ ദൈനംദിന പ്രവർത്തനങ്ങളെ മാത്രമല്ല അതിന്റെ വിശ്വാസ്യതയെും ബാധിച്ചുവെന്ന് അദ്ദേഹം പറയുന്നു. തന്ത്ര പ്രധാന വിവരങ്ങളും ഭക്ഷണ വിതരണവും കൈകാര്യം ചെയ്യുന്ന ഇ മെയിൽ ഐഡികൾ ദുരുപയോഗം ചെയ്യുന്നത് ദേശീയ സുരക്ഷയെതന്നെ ബാധിച്ചേക്കാമെന്ന് അദ്ദേഹം പറയുന്നു. സംഭവത്തിൽ ഐ.ആർ.സി.ടി.സിയുടെ ഐ.ടി സെൽ അന്വേഷണം നടത്തി പൊലീസിന് റിപ്പോർട്ട് സമർപ്പിക്കുകയായിരുന്നു.