ഭാരത് രത്നക്കെതിരെ മോശം പരാമർശം; അസമീസ് ഗായകനെതിരെ കേസ്
text_fieldsഗുവാഹത്തി: രാജ്യത്തിെൻറ പരമോന്നത ബഹുമതിയായ ഭാരത് രത്നയെ അപമാനിച്ചതിന് അസം ഗായകനെതിരെ കേസ്. അസമീസ് ഗായകനായ സുബീൻ ഗാർഗിനെതിരെയാണ് കേസെടുത്തിരിക്കുന്നത്. വാട്സ് ആപിലിട്ട വോയ്സ് ക്ലിപ്പിലുടെ മോശം വാക് കുകൾ ഉപയോഗിച്ച് ഗാർഗ് ഭാരത് രത്നയെ അപമാനിച്ചുവെന്നാണ് കേസ്.
അസമിലെ ഹോജായ് ജില്ലയിലെ ലങ്ക പൊലീസ് സ്റ്റേഷനിലാണ് കേസ് രജിസ്റ്റർ ചെയ്തിരിക്കുന്നത്. ബി.ജെ.പി നേതാവ് സത്യ രഞ്ജൻ ബോർഹിെൻറ പരാതിയിലാണ് നടപടി. തനിക്ക് സുബീൻ ഗാർഗുമായി വ്യക്തിപരമായ പ്രശ്നങ്ങളില്ലെന്നും എന്നാൽ ദേശീയ പുരസ്കാരത്തോട് അനാദരവ് പ്രകടിപ്പിച്ചത് ശരിയായില്ലെന്നും പരാതി നൽകിയ ബോർഹ് പറഞ്ഞു.
2016ലെ തെരഞ്ഞെടുപ്പിൽ ഗാർഗ് ബി.ജെ.പിക്കായി പാടിയിരുന്നു. പിന്നീട് പൗരത്വബില്ലുമായി ബന്ധപ്പെട്ട വിവാദങ്ങളാണ് ഗാർഗിനെ ബി.ജെ.പിക്ക് എതിരെ തിരിയാൻ പ്രേരിപ്പിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.