നിർമല സീതാരാമൻ ആശുപത്രിയിൽ

ന്യൂഡൽഹി: കേന്ദ്ര ധനകാര്യമന്ത്രി നിർമല സീതാരാമ​നെ ഡൽഹിയിലെ എയിംസിൽ പ്രവേശിപ്പിച്ചു. എയിംസിലെ സ്വകാര്യ വാർഡിലാണ് നിർമല സീതാരാമനെ പ്രവേശിപ്പിച്ചത്.ഇന്ന് ഉച്ചക്ക് 12 മണിയോടെയാണ് ആശുപത്രിയിൽ പ്രവേശിപ്പിച്ചത്.

കേന്ദ്രമന്ത്രിക്ക് ഗുരുതരമായ ആരോഗ്യ പ്രശ്നങ്ങളില്ലെന്നും ആരോഗ്യ നില തൃപ്തികരമാണെന്നുമാണ് അവരുമായി അടുത്ത വൃത്തങ്ങൾ പറയുന്നത്.എന്തു അസുഖം മൂലമാണ് അവരെ ആശുപത്രിയിൽ ​പ്രവേശിപ്പിച്ചത് എന്നത് അറിവായിട്ടില്ല. ഇതെ കുറിച്ചുള്ള മാധ്യമങ്ങളുടെ ചോദ്യങ്ങൾക്ക് കേന്ദ്രധനമന്ത്രാലയം​ പ്രതികരിച്ചിട്ടില്ല. പതിവ് ചെക്കപ്പിന്റെ ഭാഗമായാണിതെന്നാണ് റിപ്പോർട്ട്.