Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഅവസാന വർഷ ബിരുദ...

അവസാന വർഷ ബിരുദ പരീക്ഷകൾ നടത്തണമെന്ന്​ സുപ്രീംകോടതി

text_fields
bookmark_border

ന്യൂഡല്‍ഹി: സര്‍വകലാശാലകള്‍ അവസാന വര്‍ഷ/ സെമസ്​റ്റർ ബിരുദ പരീക്ഷകള്‍ നിര്‍ബന്ധമായും നടത്തണമെന്ന് സുപ്രീംകോടതി. പരീക്ഷകൾ നടത്താതെ സംസ്ഥാന സർക്കാറുകൾ വിദ്യാർഥികളെ ജയിപ്പിക്കരുത്​. പരീക്ഷകള്‍ നടത്താനുള്ള സെപ്​തംബർ 30 ന്​ അപ്പുറത്തേക്ക്​ നീട്ടിനല്‍കാന്‍ സംസ്ഥാനങ്ങള്‍ക്ക് യു.ജി.സിയോട് ആവശ്യപ്പെടാമെന്നും സുപ്രീംകോടതി വ്യക്തമാക്കി.

അവസാന വര്‍ഷ പരീക്ഷകള്‍ നടത്തുന്നതുമായി ബന്ധപ്പെട്ട യു.ജി.സി നിര്‍ദേശങ്ങള്‍ക്കെതിരെ വന്ന ഹരജികളില്‍ വിധി പ്രസ്താവിച്ച കോടതി പരീക്ഷ റദ്ദാക്കാൻ സംസ്ഥാനസർക്കാറുകൾക്ക്​ അധികാരമില്ലെന്ന്​ വ്യക്തമാക്കി. ജസ്​റ്റീസുമാരായ അശോക് ഭൂഷണ്‍, സുഭാഷ് റെഡ്ഡി, എം.ആര്‍. ഷാ എന്നിവരടങ്ങിയ ബെഞ്ചാണ്​ ഹരജി പരിഗണിച്ചത്​.

സെപ്റ്റംബര്‍ 30-നകം പരീക്ഷകള്‍ നടത്തണമെന്നായിരുന്നു യു.ജി.സി നിര്‍ദേശം. എന്നാല്‍ കോടതിവിധിയോടെ ഇത് നീട്ടിനല്‍കാന്‍ സംസ്ഥാനങ്ങള്‍ക്ക് ആവശ്യപ്പെടാം.

നേരത്തെ കോവിഡ് വ്യാപനത്തിന്റെ സാഹചര്യത്തില്‍ മഹാരാഷ്ട്ര, ഡല്‍ഹി സര്‍ക്കാരുകള്‍ അവസാന വര്‍ഷ പരീക്ഷകള്‍ റദ്ദാക്കുമെന്ന് അറിയിച്ചിരുന്നു. കോഴ്​സ്​ കലാവധി പൂർത്തിയാക്കിയവർക്ക്​ ക്യുമിലേറ്റീവ്​ ​ഗ്രേഡ്​ പോയിൻറ്​ ആവറേജ്​ പരിഗണിച്ച്​ പാസാക്കാമെന്നായിരുന്നു വാദം. എന്നാൽ ഇ​േൻറണൽ മാർക്കുകൾ കൊണ്ട്​ മാത്രം വിദ്യാർഥിയുടെ നിലവാരം രേഖപ്പെടുത്താൻ കഴിയില്ലെന്ന്​ സുപ്രീംകോടതി ചൂണ്ടിക്കാട്ടി.

പരീക്ഷ റദ്ദാക്കൽ അംഗീകരിക്കാനാകില്ലെന്ന് യു.ജി.സി സുപ്രീംകോടതിയെ അറിയിച്ചിരുന്നു. സെപ്റ്റംബറില്‍ പരീക്ഷകള്‍ എഴുതാന്‍ കഴിയാത്തവര്‍ക്ക് മറ്റൊരു അവസരം നല്‍കണമെന്നും കമീഷന്‍ വ്യക്തമാക്കിയിരുന്നു.

Show Full Article
TAGS:UGC Finalmexams College State Govt. Supreme Court 
Next Story