Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബലാത്സംഗക്കേസ്​:...

ബലാത്സംഗക്കേസ്​: അനുരാഗ്​ കശ്യപിനെ ചോദ്യം ചെയ്​ത്​ പൊലീസ്​

text_fields
bookmark_border
ബലാത്സംഗക്കേസ്​: അനുരാഗ്​ കശ്യപിനെ ചോദ്യം ചെയ്​ത്​ പൊലീസ്​
cancel

മുബൈ: ബോളിവുഡ്​ നടി പായൽ ഘോഷി​െൻറ ലൈംഗികാ​രോപണ പരാതിയിൽ സംവിധായകനും ആക്ടിവിസ്​റ്റുമായ അനുരാഗ്​ കശ്യപിനെ ചോദ്യം ചെയ്​ത്​ മുംബൈ പൊലീസ്​. വ്യാഴാഴ്​ച 11 മണിയോടെയാണ്​ കശ്യപ്​ ചോദ്യം ചെയ്യലിനായി വെർസോവ പൊലീസ്​ സ്​റ്റേഷനിൽ ഹാജരായത്​. അഭിഭാഷക പ്രിയങ്ക ഖിമാനിക്കൊപ്പമാണ്​ കശ്യപ്​ പൊലീസ്​ സ്​റ്റേഷനിലെത്തിയത്​.

നടിയുടെ ആരോപണങ്ങൾ അനുരാഗ്​ കശ്യപ്​ നിഷേധിച്ചതായാണ്​ വിവരം. തനിക്കെതിരെ നടി ഉയർത്തിയ ലൈംഗികാരോപണം അടിസ്ഥാന രഹിതമാണെന്ന്​ കശ്യപ്​ നേര​െത്ത പ്രതികരിച്ചിരുന്നു.

നടി പായൽ ഘോഷി​െൻറ പരാതിയിൽ സെപ്​റ്റംബർ 22നാണ്​ വെർസോവ പൊലീസ്​ അനുരാഗ്​ കശ്യപിനെതിരെ ​ ബലാത്സംഗക്കുറ്റം ചുമത്തി കേസ്​ രജിസ്​റ്റർ ചെയ്​തത്​. ത​െൻറ പരാതിയിൽ കശ്യപിനെ ചോദ്യം ചെയ്യാൻ പൊലീസ്​ തയാറാകുന്നില്ലെന്നും നീതി വൈകിപ്പിക്കുന്നുവെന്നും ആരോപിച്ച്​ പായൽ ഘോഷ്​ മഹാരാഷ്​ട്ര ഗവർണർ ബി.എസ്​ കോശിയാരിയെ സമീപിച്ചിരുന്നു.

ബലാത്സംഗം, ബലപ്രയോഗത്തിലൂടെ തടഞ്ഞുവെക്കുക, സ്​ത്രീകളുടെ അന്തസിനെ നശിപ്പിക്കുക എന്ന ഉദ്ദേശത്തോടെ ആക്രമിക്കുക, തട്ടിക്കൊണ്ടുപോയി അന്യായമായി തടങ്കലിൽ വെക്കുക തുടങ്ങിയ കുറ്റങ്ങളാണ്​ വെർസോവ പൊലീസ്​ അനുരാഗിനെതിരെ ചുമത്തിയിട്ടുള്ളത്​.

തെലു​ങ്ക്​ -ഹിന്ദി നടിയായ പായൽ ഘോഷ്​ ടി.വി ചാനലിന്​ നൽകിയ അഭിമുഖത്തിലാണ്​ അനുരാഗ്​ കശ്യപ്​ തന്നോട്​ മോശമായി പെരുമാറിയെന്നും ലൈംഗികമായി ഉപദ്രവിച്ചെന്നും ആരോപണമുന്നയിച്ചത്​. 2014 ലാണ്​ സംഭവം നടന്നതെന്നും വീട്ടിലേക്ക് ക്ഷണിച്ചുവരുത്തിയ തന്നോട് കശ്യപ് ലൈംഗികമായി വഴങ്ങാൻ ആവശ്യപ്പെട്ടുമെന്നുമാണ്​ അവർ വെളിപ്പെടുത്തിയത്​.

എന്നാൽ പായലി​െൻറ ആരോപണം നിഷേധിച്ച അനുരാഗ്​ കശ്യപ്​ തന്നെ നിശബ്​ദനാക്കുള്ള ശ്രമമാണ്​ നടക്കുന്നതെന്ന്​ പ്രതികരിച്ചിരുന്നു.

Show Full Article
TAGS:Anurag Kashyap Mumbai Police Rape case 
Next Story