Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസർക്കാറുകളിൽ നിന്ന്​...

സർക്കാറുകളിൽ നിന്ന്​ സഹായം ലഭിക്കുന്നില്ല; സ്വന്തമായി ഓക്​സിജൻ ഉൽപാദിപ്പിച്ച്​​ ഡൽഹിയിലെ ആശുപത്രികൾ

text_fields
bookmark_border
സർക്കാറുകളിൽ നിന്ന്​ സഹായം ലഭിക്കുന്നില്ല; സ്വന്തമായി ഓക്​സിജൻ ഉൽപാദിപ്പിച്ച്​​ ഡൽഹിയിലെ ആശുപത്രികൾ
cancel

ന്യൂഡൽഹി: കേന്ദ്ര-സംസ്ഥാന സർക്കാറിൽ നിന്ന്​ സഹായം ലഭിക്കാതെ വന്നതോടെ സ്വന്തമായി ഓക്​സിജൻ ഉൽപാദിപ്പിച്ച്​ ഡൽഹിയിലെ ആശുപത്രികൾ. സ്വന്തമായുള്ള ഓക്​സിജൻ പ്ലാൻറുകളിലൂടേയും ജനറേറ്ററുകളിലൂടെയും ക്ഷാമം മറികടക്കാനാണ്​ ശ്രമം.

ബി.എൽ.കെ, മാക്​സ്​ മൾട്ടി സ്​​പെഷ്യാലിറ്റി ആശുപത്രികൾ ഫ്രാൻസിൽ നിന്ന്​ ഓക്​സിജൻ ജനറേറ്റർ സിസ്​റ്റവും സിലിണ്ടറുകൾ നിറക്കാനുള്ള ഉപകരണവും വാങ്ങി സ്വന്തംനിലക്ക്​ ഓക്​സിജൻ കണ്ടെത്താൻ തുടങ്ങി. ആശുപത്രിയിലേക്ക്​ വേണ്ട ഓക്​സിജ​െൻറ 15 ശതമാനം ഇത്തരത്തിൽ നൽകാനാവുമെന്നാണ്​ കണക്കാക്കുന്നത്​.

ഓക്​സിജ​െൻറ ആവശ്യകതയും വിതരണവും തമ്മിൽ വലിയ അന്തരമുണ്ട്​. ഇത്​ ഡോക്​ടർമാരെ ഉൾ​പ്പടെ കടുത്ത പ്രതിസന്ധിയിലാക്കുന്നു. ഇത്​ പരിഹരിക്കുക ലക്ഷ്യമിട്ടാണ്​ ഫ്രാൻസിൽ നിന്ന്​ ഉപകരണങ്ങൾ ഇറക്കുമതി ചെയ്​ത്​ ഓക്​സിജൻ ഉൽപാദനം തുടങ്ങിയതെന്ന്​ മാക്​സ്​ ​ആശുപത്രിയുടെ സീനിയർ വൈസ്​ പ്രസിഡൻറ്​ ഡോ.സഞ്​ജയ്​ മേത്ത പറഞ്ഞു. ഇതിന്​ പുറമേ നാരായണ ഹെൽത്ത്​ കെയർ ഹോസ്​പിറ്റലും ആശുപത്രിയിൽ ഓക്​സിജൻ ക്ഷാമം പരിഹരിക്കാനായി കോൺ​സെൻട്രേറ്റർ സ്ഥാപിച്ചിട്ടുണ്ട്​.

Show Full Article
TAGS:covid 19 oxygen 
News Summary - Feeling helpless, Delhi's hospitals start generating their own oxygen to tide over shortage
Next Story