എ​ഫ്.​സി.​ആ​ർ.​എ ച​ട്ട​ലം​ഘ​ന​ത്തി​ന് പി​ടി​ച്ചു​വെ​ച്ച പ​ണം ന​ൽ​കാ​ൻ ക​മീ​ഷ​ൻ ചോ​ദി​ച്ച് ഉ​ദ്യോ​ഗ​സ്ഥ​ർ

ന്യൂ​ഡ​ൽ​ഹി: വി​ദേ​ശ​സം​ഭാ​വ​ന നി​യ​ന്ത്ര​ണ ച​ട്ട​ലം​ഘ​ന​ത്തി​ന്റെ (എ​ഫ്.​സി.​ആ​ർ.​എ) പേ​രി​ൽ പി​ടി​ച്ചെ​ടു​ത്ത തു​ക തി​രി​കെ​ന​ൽ​കാ​ൻ കേ​ന്ദ്ര ഉ​ദ്യോ​ഗ​സ്ഥ​രും ഇ​ട​നി​ല​ക്കാ​രും ഒ​ത്തു​ക​ളി​ക്കു​ന്ന​താ​യി സി.​ബി.​ഐ ക​ണ്ടെ​ത്ത​ൽ.

പി​ടി​ച്ചെ​ടു​ത്ത തു​ക​യു​ടെ അ​ഞ്ച്-​പ​ത്ത് ശ​ത​മാ​നം ക​മീ​ഷ​നാ​യി ത​ന്നാ​ൽ പ​ണം വി​ട്ടു​കൊ​ടു​ക്കാ​മെ​ന്നാ​ണ് ഉ​ദ്യോ​ഗ​സ്ഥ​ർ സ​ന്ന​ദ്ധ സം​ഘ​ട​ന​ക​ളു​ടെ ഇ​ട​നി​ല​ക്കാ​ർ​ക്ക് ന​ൽ​കു​ന്ന വാ​ഗ്ദാ​ന​മെ​ന്ന് സി.​ബി.​ഐ പ​റ​യു​ന്നു. ആ​ഭ്യ​ന്ത​ര മ​ന്ത്രാ​ല​യ​ത്തി​ന്റെ അ​നു​മ​തി​യോ​ടെ​ കേ​സു​മാ​യി ബ​ന്ധ​പ്പെ​ട്ട് ചോ​ർ​ത്തി​യ 437 ഫോ​ൺ സം​ഭാ​ഷ​ണ​ങ്ങ​ളി​ൽ​നി​ന്നാ​ണ് ഉ​ദ്യോ​ഗ​സ്ഥ-​ഇ​ട​നി​ല​ക്കാ​രു​ടെ ഒ​ത്തു​ക​ളി പു​റ​ത്താ​യ​ത്. മേ​യി​ൽ സം​ഭ​വ​ത്തെ​പ്പ​റ്റി സൂ​ച​ന ല​ഭി​ച്ച ആ​ഭ്യ​ന്ത​ര മ​ന്ത്രാ​ല​യം അ​ന്വേ​ഷ​ണം ഉ​ട​ൻ സി.​ബി.​ഐ​ക്ക് വി​ടു​ക​യാ​യി​രു​ന്നു. മേ​യ് 10ന് ​സി.​ബി.​ഐ രാ​ജ്യ​വ്യാ​പ​ക​മാ​യി റെ​യ്ഡ് ന​ട​ത്തി.

എ​ഫ്.​സി.​ആ​ർ.​എ യൂ​നി​റ്റി​ലെ ആ​റ് ഉ​ദ്യോ​ഗ​സ്ഥ​ര​ട​ക്കം 16 പേ​രാ​ണ് അ​റ​സ്റ്റി​ലാ​യ​ത്. എ​ഫ്.​സി.​ആ​ർ.​എ അ​നു​മ​തി​ക്കാ​യി സ​മ​ർ​പ്പി​ക്കു​ന്ന അ​പേ​ക്ഷ​ക​ളി​ൽ തീ​ർ​പ്പു​ക​ൽ​പി​ക്കാ​നും ഉ​ദ്യോ​ഗ​സ്ഥ​ർ കൈ​ക്കൂ​ലി ചോ​ദി​ക്കു​ന്ന​താ​യി പ​രി​ശോ​ധ​ന​യി​ൽ ക​ണ്ടെ​ത്തി.