പ്രണയവിവാഹം: പിതാവ്​ മകളെയും ഭർത്താവിനെയും വെട്ടിപ്പരിക്കേൽപ്പിച്ചു

ഹൈദരാബാദ്​: താഴ്​ന്ന ജാതിക്കാരനെ വിവാഹം ചെയ്​തതിന്​ മകളെയുംമരുമകനെയും പിതാവ്​ വെട്ടിപ്പരിക്കേൽപ്പിച്ചു. മാധവി- സന്ദീപ്​ ദമ്പതികൾക്കാണ്​ പരിക്കേറ്റത്​. മാധവിയുടെ പിതാവ്​ മനോഹർ ആചാരിയാണ്​ ഇരുവരെയും ആക്രമിച്ചത്​. ഹൈദരാബാദിലെ എസ്​. ആർ നഗറിലാണ്​ സംഭവം.

കുടുംബത്തി​​​െൻറ ആഗ്രഹങ്ങൾക്കെതിരായാണ്​ മാധവി സന്ദീപിനെ വിവാഹം ചെയ്​തത്​. വിവാഹം അംഗീകരിക്കാൻ തയാറാകാതിരുന്ന മാധവിയുടെ പിതാവ്​ വിവാഹശേഷം ഇരുവരെയും വിളിക്കുകയും സംസാരിക്കണമെന്നും സമ്മാനങ്ങൾ നൽകണമെന്നും ആവശ്യപ്പെടുകയായിരുന്നു. ഇതുപ്രകാരം മാധവിയും സന്ദീപും പിതാവ്​ ആവശ്യപ്പെട്ട സ്​ഥലത്തെത്തി. ഇവരുടെ അടുത്തേക്ക്​ ​ബൈക്കിലെത്തിയ മനോഹർ ആചാരി കത്തിയെടുത്ത്​ ആദ്യം സന്ദീപിനെ വെട്ടി. സന്ദീപ്​ നിലത്തു വീണപ്പോൾ മാധവിയെയും ആക്രമിക്കുകയായിരുന്നു. അതുവഴി കടന്നുപോയവർ ഇയാളെ പിടിച്ചു മാറ്റാൻ ശ്രമിച്ചെങ്കിലും വിജയിച്ചില്ല. സംഭവം സി.സി.ടി.വിയിൽ പതിഞ്ഞിട്ടുണ്ട്​.

സന്ദീപും മാധവിയും പരിക്കേറ്റ്​ വീണ ശേഷം ഇയാൾ രക്ഷപ്പെട്ടു. നാട്ടുകാർ ഇരുവരെയും ആശുപത്രിയിൽ പ്രവേശിപ്പിച്ചു. കഴുത്തിന്​ മുറിവേറ്റ മാധവിയുടെ നില ഗുരുതരമാണ്​. അഞ്ചു വർഷത്തെ പ്രണയത്തിനൊടുവിലാണ്​ ഇരുവരും വിവാഹിതരായത്​. വിവാഹ ശേഷം പൊലീസ്​ സ്​റ്റേഷനിലെത്തി വീട്ടുകാരു​െട എതിർപ്പ്​ അറിയിച്ചിരുന്നു. തുടർന്ന്​ എസ്​. ആർ നഗർ പൊലീസ്​ ഇരു കുടുംബങ്ങളെയും വിളിച്ച്​ സംസാരിക്കുകയും ചെയ്​തിരുന്നു. അതിനു ശേഷമാണ്​ ആക്രമണമുണ്ടായത്​.