ഫാറൂഖ് അബ്ദുല്ലക്ക് കോവിഡ്

ശ്രീനഗർ: ജമ്മു കശ്മീർ മുൻ മുഖ്യമന്ത്രിയും നാഷണൽ കോൺഫറൻസ് നേതാവുമായ ഫാറൂഖ് അബ്ദുല്ലക്ക് കോവിഡ്. മകൻ ഉമർ അബ്ദുല്ലയാണ് ട്വീറ്റിലൂടെ ഇക്കാര്യം അറിയിച്ചത്. 83കാരനായ ഫാറൂഖ് അബ്ദുല്ല ക്വാറന്‍റീനിലാണ്.

പിതാവിന് കോവിഡ് സ്ഥിരീകരിച്ചതായും ലക്ഷണങ്ങൾ കാണിക്കുന്നതായും ഉമർ പറഞ്ഞു. ഇതേത്തുടർന്ന് കുടുംബാംഗങ്ങൾ സമ്പർക്കവിലക്കിൽ കഴിയുകയാണ്. കഴിഞ്ഞ ദിവസത്തിനുള്ളിൽ കുടുംബാംഗങ്ങളുമായി ബന്ധപ്പെട്ടവർ മുൻകരുതൽ സ്വീകരിക്കണമെന്ന് ഉമർ അഭ്യർഥിച്ചു.

My father has tested positive for COVID-19 & is showing some symptoms. I will be self-isolating along with other family members until we get ourselves tested. I request anyone who has come in to contact with us over the last few days to take all the mandated precautions.

— Omar Abdullah (@OmarAbdullah) March 30, 2021