Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമമതയെ സന്ദർശിച്ച്​...

മമതയെ സന്ദർശിച്ച്​ രാകേഷ്​ ടികായത്ത്​; മോദിയെ പുറത്താക്കുംവരെ പ്രക്ഷോഭം

text_fields
bookmark_border
Farmers Protest: Mamata Banerjee assures support to
cancel

കൊൽക്കത്ത: ഭാരതീയ കിസാൻ യൂനിയൻ നേതാവ്​ രാകേഷ്​ ടിക്കായത്ത്​ ബംഗാൾ മുഖ്യമന്ത്രി മമതാ ബാനർജിയെ സന്ദർശിച്ചു. ബിജെപിയുടെ നേതൃത്വത്തിലുള്ള കേന്ദ്രസർക്കാരി​െൻറ കാർഷിക നിയമങ്ങൾക്കെതിരായ പ്രതിഷേധത്തിന്​ പിന്തുണ തേടിയാണ്​ ടിക്കായത്ത്​ മമതയെ കണ്ടത്​. ടികായത്തിനൊപ്പം യൂനിയൻ നേതാവ്​ യുധവീർ സിങും ഉണ്ടായിരുന്നു. പ്രധാനമന്ത്രി നരേന്ദ്ര മോദിയെ നീക്കം ചെയ്യുന്നതുവരെ പ്രക്ഷോഭം തുടരുമെന്ന്​ ഇരുവരും മാധ്യമപ്രവർത്തകരോട്​ പറഞ്ഞു.


നയപരമായ വിഷയങ്ങളിൽ എല്ലാ മുഖ്യമന്ത്രിമാർക്കും സംവദിക്കാൻ കഴിയുന്ന ഒരു പൊതുവേദി രൂപീകരിക്കണമെന്ന്​ മമത ബാനർജി ടികായത്തിനോട്​ പറഞ്ഞു.'കേന്ദ്ര സർക്കാരും കർഷകരും തമ്മിലുള്ള ആശയവിനിമയ വിടവും സംസ്ഥാനങ്ങളെ തകർക്കാ ശ്രമിക്കുന്നതും രാജ്യത്തി​െൻറ ഫെഡറൽ ഘടനയെ തകർക്കുന്നതിലേക്ക് നയിക്കും'-മമത കൂട്ടിച്ചേർത്തു. കർഷക പ്രതിഷേധ സ്ഥലങ്ങൾ സന്ദർശിക്കാൻ മമതയെ ടികായത്ത്​ ക്ഷണിച്ചു. കോവിഡ്​ രണ്ടാം തരംഗം ശമിച്ചശേഷം ബിജെപി ഇതര മുഖ്യമന്ത്രിമാരുമായി വിർച്വൽ മീറ്റിങ്​ നടത്തുമെന്നും കർഷക പ്രതിഷേധ സ്ഥലത്തേക്ക് പോകുമെന്നും മമത പറഞ്ഞു.


ഒരു വശത്ത് കേന്ദ്രസർക്കാർ കർഷകരുമായി ചർച്ച നടത്തുന്നില്ല. മറുവശത്ത് മരുന്നുകൾക്ക് ജിഎസ്​ടി ചുമത്തിയിട്ടുണ്ട്. ആരോഗ്യ സംരക്ഷണം മുതൽ കൃഷി, വ്യവസായം വരെയുള്ള എല്ലാ മേഖലകളെയും ബിജെപി സർക്കാർ തകർത്തു'-മമത പറഞ്ഞു. പശ്ചിമ ബംഗാൾ നിയമസഭാ തെരഞ്ഞെടുപ്പ്​ വേളയിൽ രാകേഷ്​ ടികായത്ത്​ സംസ്ഥാനം സന്ദർശിക്കുകയും കൊൽക്കത്ത, നന്ദിഗ്രാം, സിംഗൂർ എന്നിവിടങ്ങളിൽ 'ബിജെപിക്ക് വോട്ട് ചെയ്യരുത്' എന്നാവശ്യ​െപ്പട്ട്​ പ്രചാരണം നടത്തുകയും ​െചയ്​തിരുന്നു.


'കർഷക പ്രക്ഷോഭം ഹരിയാനയുടേയും പഞ്ചാബിലേയും മാത്രം പ്രശ്​നമല്ല. ഇത് ഒരു ദേശീയ പ്രശ്നമാണ്. നന്ദിഗ്രാമിലെയും സിംഗൂരിലെയും കർഷകർക്കായി ഞാൻ പ്രതിഷേധിച്ചു. മൂന്ന് കാർഷിക നിയമങ്ങൾ ഉടൻ റദ്ദാക്കണം'-മമത ടികായത്തി​െൻറ സന്ദർശനത്തിനിടെ പറഞ്ഞു. അതേസമയം, കർഷകരെ സഹായിക്കുമെന്ന് ഉറപ്പ് നൽകിയതിന് മമത ബാനർജിയോട് രാകേഷ് ടികായത്ത്​ നന്ദി പറഞ്ഞു.

Show Full Article
TAGS:Mamata Banerjee Rakesh Tikait farmers protest Farm Law 
Next Story