കർഷകസമരം ഡൽഹി നിവാസികൾക്ക്​ ബുദ്ധിമുട്ടുണ്ടാക്കുന്നുവെന്ന്​ കേന്ദ്രസർക്കാർ

ന്യൂഡൽഹി: കർഷകസമരം ഡൽഹിയിലെ ജനങ്ങൾ ബുദ്ധിമുട്ടുണ്ടാക്കുന്നുവെന്ന്​ കേ​ന്ദ്രസർക്കാർ. പാർലമെന്‍റിൽ നൽകിയ മറുപടിയിലാണ്​ സർക്കാറിന്‍റെ പരാമർശം. നഗരാതിർത്തികൾ ബാരിക്കേഡ്​ ഉപയോഗിച്ച്​ അടച്ചതാണ്​ ജനങ്ങൾക്ക്​ ബുദ്ധിമുട്ട്​ സൃഷ്​ടിക്കുന്നതെന്ന്​ കേന്ദ്രസർക്കാർ വ്യക്​തമാക്കുന്നു.

ഗാസിപൂർ, ചില്ല, തിക്രി, സിംഘു തുടങ്ങിയ അതിർത്തികൾ അടച്ചിരിക്കുകയാണെന്ന്​ ഡൽഹി പൊലീസ്​ അറിയിച്ചിട്ടുണ്ട്​. ഇത്​ ഡൽഹി നിവാസികൾക്കും അതിർത്തി സംസ്ഥാനങ്ങൾ പ്രശ്​നങ്ങൾ സൃഷ്​ടിക്കുന്നു. സാമ്പത്തികമായ നഷ്​ടത്തിനും പ്രതിഷേധം കാരണമാവുന്നുണ്ടെന്ന്​ കേന്ദ്ര സഹമന്ത്രി ജി. കിഷൻ റെഡ്ഡി പറഞ്ഞു.

ശിവസേന അംഗം അനിൽ ദേശായിയാണ്​ ഡൽഹി അതിർത്തിയിലെ കർഷകസമരം നഗരവാസികൾക്ക്​ ബുദ്ധിമുട്ടുണ്ടാക്കു​ന്നുണ്ടോയെന്ന ചോദ്യം പാർലമെന്‍റിൽ ഉന്നയിച്ചത്​. കർഷകസമരം തടയാനായി പൊലീസ്​ ബാരിക്കേഡുകളും മുള്ളുവേലികളും ഉയർത്തിയിരുന്നു.