' ക്ഷീര സ്​ഥാപനം കർഷകരിൽനിന്ന്​ പാൽ വാങ്ങു​േമ്പാൾ പശുവിനെ കൊണ്ടുപോകുന്നുണ്ടോ? -പ്രധാനമന്ത്രി

ന്യൂഡൽഹി: കർഷകർക്കായി തയാറാക്കിയ മൂന്ന്​ നിയമങ്ങൾക്കെതിരെ പ്രക്ഷോഭം ഉയരാൻ കാരണം അവരെ ​പ്രതിപക്ഷം തെറ്റിദ്ധരിപ്പിച്ചതിനാലാണെന്ന്​ ​പ്രധാനമന്ത്രി നരേന്ദ്ര മോദി. ഗുജറാത്തിലെ വിവിധ വികസന പ്രവർത്തനങ്ങൾ ഉദ്​ഘാടനം നിർവഹിച്ച്​ സംസാരിക്കുകയായിരുന്നു അദ്ദേഹം.

'' കർഷക സംഘടനകളും പ്രതിപക്ഷവും നാളുകളായി ആവശ്യപ്പെടുന്ന കാര്യമാണ് ഈ കാർഷിക നിയമങ്ങൾ. ​ നിയമത്തിൽ പറയാത്ത കാര്യങ്ങൾ കർഷകരെ പറഞ്ഞു പറ്റിച്ച്​ തെറ്റിദ്ധരിപ്പിക്കുകയാണ്​ പ്രതിപക്ഷം. അവരുടെ ഭരണ കാലത്ത്​ കർഷകർക്കായി എന്താണ്​ ചെയ്​തത്​. കാർഷിക വിപ്ലവം നടപ്പിലാക്കാൻ അവർക്ക്​ കഴിഞ്ഞിട്ടില്ല. ഇപ്പോൾ അവർ കർഷരെ ഇതിനെതിരെ എഴുന്നള്ളിക്കുന്നു.

സമരത്തിനു പിന്നിൽ ഗൂഢാലോചനയുണ്ടായിട്ടുണ്ട്​. കർഷകരുടെ ഭൂമി കോർപറേറ്റുകൾ പിടിച്ചെടുക്കുമെന്നാണ്​ ഇവർ പറയുന്നത്​. കർഷകരുടെ പാൽ വാങ്ങുന്നവർ പശുവിനെ കൊണ്ടുപോകുന്നുണ്ടോ? എന്തിനാണ്​ പ്രതിപക്ഷം കർഷകരെ തെറ്റിദ്ധരിപ്പിക്കുന്നത്​ ? പ്രധാനമന്ത്രി ചോദിച്ചു. നിയമവുമായി ബന്ധപ്പെട്ട ആശങ്കകൾ കർഷകരുമായി ചർച്ച ചെയ്​ത്​ പരിഹരിക്കുമെന്നും മോദി പറഞ്ഞു.