കർഷക സമരക്കാർ ദേശവിരുദ്ധരല്ല, അവർ ശബ്​ദമുയർത്തുന്നത്​ ജനാധിപത്യപരമായി -സഞ്​ജയ്​ റാവത്ത്​

മു​ംബൈ​: കേന്ദ്ര സർക്കാർ കൊണ്ടുവന്ന കാർഷിക നിയമങ്ങൾക്കെതിരെ പ്രതിഷേധിക്കുന്ന കർഷകർ തെറ്റിദ്ധരിക്കപ്പെട്ടവരല്ലെന്ന്​ ശിവസേന നേതാവും എം.പിയുമായ സഞ്​ജയ്​ റാവത്ത്​. പ്രതിപക്ഷം കർഷകരെ തെറ്റിദ്ധരിപ്പിക്കുകയാണെന്ന കേന്ദ്രമന്ത്രി നിതിൻ ഗഡ്കരിയുടെ പ്രസ്താവനയോട് പ്രതികരിക്കുകയായിരുന്നു അദ്ദേഹം.

'പഞ്ചാബിൽ നിന്നുള്ള കർഷകർ നിങ്ങൾക്ക് വോട്ട് ചെയ്തപ്പോൾ അവർ തെറ്റിദ്ധരിക്കപ്പെട്ടുവോ? ജനാധിപത്യപരമായി നിങ്ങൾക്കെതിരെ ശബ്​ദമുയർത്തുമ്പോൾ അവർ തെറ്റിദ്ധരിക്കപ്പെ​ട്ടെന്ന്​ കുറ്റപ്പെടുത്തുന്നു. ഇത് തികച്ചും തെറ്റാണ്' -സഞ്​ജയ്​ റാവത്ത്​ പറഞ്ഞു.

കാർഷിക നിയമങ്ങൾക്കെതിരായ പ്രതിഷേധത്തിനിടെ കർഷകരുമായി നേരിട്ടോ അല്ലാതെയോ യാതൊരു ബന്ധവുമില്ലാത്തവരുടെ ചിത്രങ്ങൾ കണ്ടതായി കേന്ദ്രമന്ത്രി നിതിൻ ഗഡ്കരി പറഞ്ഞിരുന്നു. ഡൽഹിയിൽ ദേശവിരുദ്ധ പ്രസംഗങ്ങൾ നടത്തിയവരെയും ഇതിൽ കണ്ടതായും കേന്ദ്രമന്ത്രി ആരോപിച്ചിരുന്നു.

രാഹുൽ ഗാന്ധി പറഞ്ഞത് രാജ്യത്തി​െൻറ വികാരമാണെന്നും സഞ്​ജയ്​ റാവത്ത്​ പറഞ്ഞു. 'ജെ.എൻ.യുവിൽ എന്തെങ്കിലും സംഭവിക്കുമ്പോഴോ ചില വിദ്യാർത്ഥികൾ പ്രതിഷേധിക്കുമ്പോഴോ നിങ്ങൾ അവരെ ദേശവിരുദ്ധർ എന്ന് വിളിക്കുന്നു. സർക്കാറിനെതിരെ സംസാരിക്കുന്നവരെ ദേശവിരുദ്ധരാക്കുന്നു. കർഷകർ പ്രതിഷേധത്തിലാണ്. പഞ്ചാബിൽനിന്നുള്ളവരാണവർ. അവരുടെ കുടുംബങ്ങളിൽ പകുതിയും സൈന്യത്തിൽ സേവനമനുഷ്ഠിക്കുന്നു. എന്നാൽ, അവരെ നിങ്ങൾ ദേശവിരുദ്ധരെന്ന്​​ വിളിക്കുന്നു. ഞാൻ എന്തെങ്കിലും പറഞ്ഞാൽ എന്നെയും ദേശവിരുദ്ധനെന്ന്​ വിളിക്കും -സഞ്​ജയ്​ റാവത്ത്​ പറഞ്ഞു.

എതിർപ്പുകളെ ദേശവിരുദ്ധമെന്ന് വിളിക്കുകയാണെങ്കിൽ അത് അടിയന്തരാവസ്ഥക്ക്​ തുല്യമാണ്​. ഇത് ജനാധിപത്യ രാജ്യമാണ്​. നിങ്ങൾ പ്രതിപക്ഷത്തി​െൻറ ശബ്​ദം കേൾക്കണം -സഞ്​ജയ്​ റാവത്ത്​ കൂട്ടിച്ചേർത്തു.

'മോദി സർക്കാറിന് ഭിന്നാഭിപ്രായമുള്ള വിദ്യർഥികൾ ദേശ വിരുദ്ധർ, കരുതലുള്ള ജനങ്ങൾ അർബൻ നക്​സലുകൾ, കുടി​േയറ്റ തൊഴിലാളികൾ കോവിഡ്​ പരത്തുന്നവർ, ബലാത്സംഗം നേരിട്ടവർ ആരുമല്ല, പ്രതിഷേധിക്കുന്ന കർഷകർ ഖലിസ്​താനികൾ, കൂടാതെ കുത്തക മുതലാളികൾ ഉറ്റ സുഹൃത്തുക്കളും' എന്നായിരുന്നു ചൊവ്വാഴ്​ച രാഹുൽ ഗാന്ധിയുടെ ട്വീറ്റ് ചെയ്​തത്​​.