മകനോടുള്ള കലി മൂത്തപ്പോൾ വളർത്തുനായ്ക്ക്​​ രണ്ട്​ ഏക്കർ നൽകി; സർപഞ്ച്​ ഇടപെട്ടപ്പോൾ മനംമാറ്റം

ഭോപാൽ: മകൻ തന്നെ അനുസരിക്കുന്നി​​െല്ലന്ന്​ അമ്പതുകാരനായ കർഷകൻ ഒാം നാരായൺ ​െവർമ എല്ലാവരോടും പരാതി പറഞ്ഞതാണ്​. പക്ഷേ, പരിഹാരം മാത്രം ഉണ്ടായില്ല. മകനോടുള്ള കലി പരിധിവിട്ടപ്പോൾ പരാതി പറച്ചിലൊക്കെ നിർത്തി അദ്ദേഹമൊരു വിൽപത്രം തയാറാക്കി. അതോടെ വാർത്തയായി, അന്വേഷണങ്ങളായി, വക്കാലത്ത്​ പറച്ചിലായി.

കാര്യമിതാണ്​: വിൽപത്രത്തിൽ തന്‍റെ രണ്ട്​ ഏക്കർ ഭൂമി അദ്ദേഹം മാറ്റി വെച്ചത്​ പ്രിയപ്പെട്ട വളർത്തുനായ്​ക്കാണ്​. ബാക്കി ഭൂമി ഭാര്യക്കും നൽകി. മകൻ ചിത്രത്തിൽ നിന്ന്​ പുറത്ത്​.

വളർത്തുനായ്​ക്ക്​ ഭുമി കൊടുക്കാനുള്ള കാരണങ്ങളും വെർമ വിൽപത്രത്തിൽ ചേർത്തിട്ടുണ്ട്​. തന്‍റെ കാലശേഷം പ്രിയപ്പെട്ട നായ്​ നാഥനില്ലാതെ തെരുവിൽ അലയേണ്ട അവസ്​ഥയുണ്ടാകരുതെന്നാണ്​ അദ്ദേഹം വിൽപത്രത്തിൽ വിശദീകരിക്കുന്നത്​. 11 മാസം പ്രായമുള്ള നായെ തന്‍റെ കാലശേഷം പരിപാലിക്കുന്നവർക്ക്​ ഭൂമി അനന്തരമായി ലഭിക്കുമെന്നും വെർമ വാഗ്​ദാനം ചെയ്​തിരുന്നു.

ഭാര്യയും വളർത്തുനായുമാണ്​ തന്നോട്​ സ്​നേഹത്തോടെയും അലിവോടെയും പെരുമാറിയതെന്നും അവർക്കാണ്​ തന്‍റെ സ്വത്തിന്‍റെ അവകാശമെന്നും പിന്നീട്​ ചോദിച്ചവരോടൊക്കെ വെർമ പറഞ്ഞു.

ഒടുവിൽ പ്രാദേശിക സർപഞ്ച്​ ഇടപെട്ടാണ്​ വെർമയുടെ മനസ്​മാറ്റിയത്​. വിൽപത്രം റദ്ദാക്കാൻ വെർമ സമ്മതിച്ചിട്ടുണ്ടെന്ന്​ ഗ്രാമത്തിലെ സർപഞ്ച്​ ജമുന പ്രസാദ്​ പറഞ്ഞതായി പ്രാദേശിക ഒാൺ​ൈലൻ മാധ്യമം റിപ്പോർട്ട്​ ചെയ്​തു.