കർഷക പ്രതിഷേധം: റെയിൽവേക്ക്​ നഷ്​ടം 200 കോടി

ന്യൂഡൽഹി: കേ​​ന്ദ്ര സർക്കാറി​െൻറ പുതിയ കർഷകവിരുദ്ധ നിയമത്തിനെതിരെ പഞ്ചാബ്​, ഹരിയാന സംസ്​ഥാനങ്ങളിലെ പ്രതിഷേധം ശക്തമായി തുടരുന്നു​. കർഷക സംഘടനകളുടെ സംയുക്ത വേദിയുടെ നേതൃത്വത്തിൽ പഞ്ചാബിൽ തുടരുന്ന ​പാത ഉപരോധ സമരത്തെ തുടർന്ന്​ ​ ഒക്​ടോബർ ഏഴുവരെയുള്ള കണക്കുപ്രകാരം റെയിൽവേക്കുണ്ടായ വരുമാനനഷ്​ടം 200 കോടി രൂപയാണ്​.

പഞ്ചാബിൽ 33 സ്ഥലങ്ങളിലായാണ്​ റെയിൽപാത ഉപരോധ സമരം നടക്കുന്നത്​. കൂടാതെ, ദേശീയപാതകളിലെ ടോൾ പ്ലാസകളും സമരക്കാർ ഉപരോധിക്കുന്നുണ്ട്​. ഒക്​ടോബർ എട്ടുവരെയുള്ള കണക്കുപ്രകാരം ദേശീയപാത അതോറിറ്റിക്ക്​ പഞ്ചാബിൽ ഏകദേശം 7.5 കോടി രൂപയും ഹരിയാനയിൽ 3.5 കോടി രൂപയും വരുമാനനഷ്​ടമുണ്ടായി. പഞ്ചാബിൽ അംബാനി, അദാനി ​ഗ്രൂപ്പുകളുടെ പെട്രോൾ പമ്പുകൾ ഉൾപ്പെടെയുള്ള സ്​ഥാപനങ്ങളും സമരക്കാർ ഉപരോധിക്കുന്നുണ്ട്​.

ഹരിയാനയിൽ, ബി.ജെ.പി സർക്കാറിന്​​ പിന്തുണ പിൻവലിക്കണമെന്ന്​ ആവശ്യപ്പെട്ട്​ ജെ.ജെ.പി നേതാവും ഉപമുഖ്യമന്ത്രിയുമായ ദുഷ്യന്ത്​ ചൗതാലയുടെ വീട്​ സ്​ഥിതിചെയ്യുന്ന സിർസയിൽ 17 കർഷക സംഘടനകളുടെ നേതൃത്വത്തിൽ ഒക്​ടോബർ ആറിന്​ ആരംഭിച്ച കർഷക​പ്രക്ഷോഭം വെള്ളിയാഴ്​ചയും തുടർന്നു. പ്രതിഷേധത്തിൽ പ​െങ്കടുക്കാൻ എത്തിയ സ്വരാജ്​ അഭയാൻ നേതാവ്​ ​േയാഗേന്ദ്ര യാദവിനെ 10 മണിക്കൂറോളം പൊലീസ്​ കസ്​റ്റഡിയിൽ വെച്ചു. പ്രതിഷേധം ശക്തമാ​യതോടെ, കർഷകരെ സർക്കാർ ഉടൻ കാണണമെന്ന്​ ജെ.ജെ.പി മുൻ ഉപാധ്യക്ഷനും എം.എൽ.എയുമായ രാം കുമാർ ഗൗതം ആവശ്യപ്പെട്ടു.

അതിനിടെ, ഫത്തേബാദ് ജില്ലയിലെ അഹെര്‍വാന്‍, ഭാനി ഖേര, അംബാല ജില്ലയിലെ ബറോല ഗ്രാമങ്ങളിലെ കര്‍ഷകർ യോഗം ചേർന്ന്​​ ബി.ജെ.പി, ​ജെ.ജെ.പി നേതാക്കൾക്ക് ഇവിടേക്ക്​​ പ്രവേശനമില്ലെന്ന്​ ബോർഡ്​ സ്​ഥാപിച്ചു. മുന്നറിയിപ്പ് അവഗണിച്ച് ആരെങ്കിലും വന്നാല്‍ അനന്തരഫലത്തിന് അവര്‍തന്നെയാകും ഉത്തരവാദികളെന്നും കർഷകർ പറയുന്നു.