ബില്ലുകൾ കർഷക​െൻറ സാമ്പത്തിക സ്​ഥിതി മാറ്റിമറിക്കും -നരേന്ദ്രമോദി

ന്യൂഡൽഹി: കേന്ദ്രസർക്കാറി​െൻറ കാർഷിക ബില്ലുകൾ കർഷക​െൻറ സാമ്പത്തിക സ്​ഥിതി മാറ്റിമറിക്കുമെന്ന്​ പ്രധാനമന്ത്രി നരേന്ദ്രമോദി. കാർഷിക ബില്ലുകൾ പാസാക്കുന്നതും കാർഷിക മേഖലയിൽ മാറ്റം കൊണ്ടുവരേണ്ടതു​ം അനിവാര്യമാണെന്നും മോദി പറഞ്ഞു.

കാർഷിക ബില്ലുകൾ നിയമമാകുന്നതോടെ കർഷകന്​ എവിടെനിന്നും ആർക്കും വിളകൾ വിൽപ്പന നടത്താം. കഴിഞ്ഞ ദിവസം രാജ്യസഭയിൽ രണ്ടു കാർഷിക ബില്ലുകൾ പാസാക്കിയിരുന്നു. ഞാൻ എ​െൻറ കർഷകരെ അഭിനന്ദിക്കുന്നു. കാർഷികമേഖലയിലെ മാറ്റം ഈ സമയത്തി​െൻറ ആവശ്യകതയാണെന്നും കർഷകർക്ക്​ വേണ്ടിയുള്ള സർക്കാറി​െൻറ പരിഷ്​കാരമാണിതെന്നും മോദി പറഞ്ഞു.

കർഷകർക്ക്​ അവർ ആവശ്യപ്പെടുന്ന വിലയിൽ വിളകൾ വിൽക്കാൻ സാധിക്കും. കർഷകർ ആഗ്രഹിക്കുന്ന സ്​ഥലത്തുവെച്ച്​ ഇവ വിൽപ്പന നടത്താം. പുതിയ കാർഷിക ബില്ലുകൾ കർഷകരുടെ സാമ്പത്തിക സ്​ഥിതി ഉയർത്തുമെന്നും മോദി കൂട്ടിച്ചേർത്തു.

കാർഷികമേഖലയുമായി ബന്ധപ്പെട്ട്​ മൂന്ന്​ ബില്ലുകളാണ്​ മോദി സർക്കാർ ലോക്​സഭയിൽ അവതരിപ്പിച്ചത്​. ഇതിൽ രണ്ടു ബില്ലുകൾ രാജ്യസഭയും പാസാക്കി. കാ​ർ​ഷി​കോ​ൽ​പ​ന്ന വ്യാ​പാ​ര പ്രോ​ത്സാ​ഹ​ന ബി​ൽ, ക​ർ​ഷ​ക ശാ​ക്തീ​ക​ര​ണ- വി​ല​സ്ഥി​ര​ത- കാ​ർ​ഷി​ക സേ​വ​ന ബി​ൽ എന്നിവയാണ്​ പാസാക്കിയത്​. കാർഷിക മേഖലയിലേക്ക്​ കോർ​പറേറ്റുകളുടെ കടന്നുവരവിന്​ വഴിയൊരുക്കുമെന്നും അടിസ്​ഥാന താങ്ങുവില ഉൾപ്പെടെ ഇല്ലാതാകുമെന്നും പ്രതിപക്ഷ പാർട്ടികൾ പറയുന്നു. ഹരിയാന, മഹാരാഷ്​ട്ര, പഞ്ചാബ്​ ഉൾപ്പെടെയുള്ള സംസ്​ഥാനങ്ങളിൽ വൻ കർഷക പ്രതിഷേധം അര​േങ്ങറുന്നുണ്ട്​.

Latest Video