Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാജസ്ഥാനിൽ ജീവനോടെ...

രാജസ്ഥാനിൽ ജീവനോടെ കത്തിച്ച പുരോഹിത​െൻറ മൃതദേഹം സംസ്​കരിക്കാൻ വിസമ്മതിച്ച്​ കുടുംബം

text_fields
bookmark_border
രാജസ്ഥാനിൽ ജീവനോടെ കത്തിച്ച പുരോഹിത​െൻറ മൃതദേഹം സംസ്​കരിക്കാൻ വിസമ്മതിച്ച്​ കുടുംബം
cancel

ജയ്പൂർ: രാജസ്ഥാനിലെ കരൗലി ജില്ലയിൽ ഭൂമി തർക്കത്തിനെ അക്രമികൾ ജീവനോടെ കത്തിച്ച പുരോഹിത​െൻറ മൃതദേഹം സംസ്​കരിക്കാൻ വിസമ്മതിച്ച്​ കുടുംബം. സംസ്ഥാന സർക്കാർ സംഭവത്തിൽ നേരിട്ട്​ ഇടപെടുന്നതുവരെ അന്ത്യകർമ്മങ്ങൾ നടത്തില്ലെന്ന്​ അറിയിക്കുകയായിരുന്നു.

സപൊത്ര ഡിവിഷനിലെ ബോക്ന ഗ്രാമത്തിലെ രാധാകൃഷ്​ണ ക്ഷേത്രത്തിലെ പുരോഹിതനായ ബാബുലാൽ വൈഷ്ണവ് എന്ന 50കാരനെയാണ്​ മീണ വിഭാഗത്തിൽപ്പെട്ടവർ ഭൂമി തർക്കത്തിനിടയിൽ പെട്രോൾ ഒ​ഴിച്ച്​ കത്തിച്ചത്​. വ്യാഴാഴ്​ച വൈകിട്ടാണ്​ ബാബുലാൽ ആശുപത്രിയിൽ വെച്ച്​ ​ മരിച്ചത്​. എന്നാൽ ബന്ധുക്കൾ അമ്പത്​ ലക്ഷം രൂപ നഷ്​ടപരിഹാരവും കുടുംബാംഗത്തിന്​ സർക്കാർ ജോലിയും നൽകാതെ മൃതദേഹം സംസ്​കരിക്കില്ലെന്ന നിലപാടെടുക്കുകയായിരുന്നു.

അക്രമികൾക്ക്​ അനുകൂല നിലപാടെടുത്ത പൊലീസുകാർക്കെതിരെയും റവന്യു ഓഫീസർക്കെതിരെയും നടപടിയെടുക്കുക, കുടുംബാംഗങ്ങൾക്ക്​ സംരക്ഷണം ഉറപ്പുവരുത്തുക തുടങ്ങിയ ആവശ്യങ്ങളും കുടുംബം ഉന്നയിച്ചിട്ടുണ്ട്​.

തുടർന്ന്​ സബ് ഡിവിഷണൽ മജിസ്‌ട്രേറ്റ് ഓം പ്രകാശ് മീണ ബാബുലാലിൻെറ കുടുംബത്തെ സന്ദർശിക്കുകയും അന്ത്യകർമങ്ങൾ നടത്താൻ കുടുംബത്തോട് ആവശ്യപ്പെടുകയും ചെയ്​തു. ബാബുലാലി​െൻറ അന്ത്യകർമങ്ങൾക്കായി ബന്ധുക്കൾ ഒത്തുകൂടിയിട്ടുണ്ടെന്നും അവർ ഉന്നയിച്ച കാര്യങ്ങൾ സംസ്ഥാന സർക്കാരിൻെറ ശ്രദ്ധയിൽപെടുത്തുമെന്നും മജിസ്​ട്രേറ്റ്​ അറിയിച്ചു.

രാധാകൃഷ്ണ ക്ഷേത്ര ട്രസ്റ്റി​െൻറ ഉടമസ്ഥതയിലുള്ള 5.2 ഏക്കർ സ്ഥലത്തി​െൻറ പേരിലുള്ള തർക്കമാണ്​ പുരോഹിത​െൻറ കൊലയിൽ കലാശിച്ചത്​. ഈ സ്ഥലം പുരോഹിതന് വരുമാന മാർഗമായി നൽകിയതായിരുന്നു. ക്ഷേത്ര ട്രസ്റ്റുകളിൽ ഉൾപ്പെടുന്ന ഇതുപോലുള്ള സ്ഥലങ്ങൾ പൂജകൾ നടത്തുകയും ഗ്രാമക്ഷേത്രങ്ങളിലെ അനുഷ്ഠാനങ്ങൾ നടത്തുകയും ചെയ്യുന്നതിന് പകരമായി പുരോഹിതന്മാർക്ക് വരുമാന മാർഗമായി നൽകാറുണ്ട്.

എന്നാൽ ഈ ഭൂമിയോടെ ചേർന്ന്​ കിടക്കുന്ന ത​െൻറ പേരിലുള്ള സ്ഥലത്ത്​ ബാബു ലാൽ വൈഷ്ണവ് ഒരു വീട് നിർമിക്കാൻ തുടങ്ങിയതോടെയാണ്​ പ്രശ്​നം ആരംഭിച്ചത്​. തട്ടായി കിടന്ന ഭൂമി നിരപ്പാക്കിയതോടെ ഗ്രാമത്തിലെ പ്രബലരായ മീണ സമുദായത്തിൽ നിന്നുള്ള മറ്റൊരു വിഭാഗം ആളുകൾ ഇതിനെ എതിർക്കുകയും ഭൂമി അവരുടെ പാരമ്പര്യസ്വത്താണെന്ന്​ അവകാശപ്പെട്ട്​ രംഗത്തെത്തുകയുമായിരുന്നു.

​തർക്കത്തിലെ ​ഗ്രാമപ്രമുഖർ ഇടപെട്ട്​ പുരോഹിതന്​ അനുകൂലമായി വിധി പറഞ്ഞതോടെ, അവിടെ വിളവെടുത്ത ബജ്​റ ധാന്യത്തി​െൻറ​ വൈക്കോൽ കെട്ടുകൾ ഉടമസ്ഥാവകാശത്തി​െൻറ അടയാളമായി അതിർത്തിയിൽ ത​ന്നെ വെച്ചു.

എന്നാൽ പുരോഹിതൻ നിരപ്പാക്കിയ സ്ഥലത്ത് പ്രതിഭാഗത്തുള്ളവർ സ്വന്തമായി കുടിൽ പണിയാൻ തുടങ്ങി. ഇത് വാക്കേറ്റത്തിന് കാരണമായി. ബുധനാഴ്​ച പ്രതികൾ തർക്ക സ്ഥലത്ത്​ കിടന്ന ബജ്​റ വൈക്കോൽ കൂനകൾക്ക്​ പെട്രോൾ ഒഴിച്ച് തീയിടുകയും പുരോഹിതനെ ജീവനോടെ കത്തിക്കുകയുമായിരുന്നു.

പൊള്ളലേറ്റതിനെ തുടർന്ന് ജയ്പൂരിലെ എസ്.എം.എസ് ആശുപത്രിയിൽ പ്രവേശിപ്പിച്ച ഇയാൾ വ്യാഴാഴ്ച വൈകിട്ട് മരിച്ചു. പുരോഹിത​െൻറ​ മൊഴിയുടെ അടിസ്ഥാനത്തിൽ മുഖ്യപ്രതി കൈലാഷ്​ മീണയെ പൊലീസ്​ അറസ്​റ്റു ചെയ്​തു.

കൈലാഷ്, ശങ്കർ, നമോ മീണ, മറ്റ് മൂന്ന് പേർ എന്നിവർക്കെതിരെയാണ്​ പുരോഹിതൻ മൊഴി നൽകിയിട്ടുള്ളത്​. മറ്റു പ്രതികളെയും ഉടൻ പിടികൂടുമെന്ന്​ പൊലീസ്​ അറിയിച്ചു.

Show Full Article
TAGS:Rajasthan Priest Burnt Alive land issue Cremation 
Next Story