സുപ്രീംകോടതിയുടെ മേൽനോട്ടത്തിൽ അന്വേഷിക്കണം -ഹാഥറസ് പെൺകുട്ടിയുടെ കുടുംബം

ന്യൂഡൽഹി: ഹാഥറസ്​ കൂട്ടബലാത്സംഗ കേസ്​ സുപ്രീംകോടതിയുടെ മേൽനോട്ടത്തിൽ അന്വേഷിക്കണമെന്ന്​ കൊല്ലപ്പെട്ട പെൺകുട്ടിയുടെ കുടുംബം ആവശ്യപ്പെട്ടു. പെൺകുട്ടിയുടെ വീട്ടിലെത്തിയ മീഡിയവൺ വാർത്ത സംഘത്തോട്​ സംസാരിക്കുകയായിരുന്നു കുടുംബം.

കേസിൽ യു.പി സർക്കാർ സി.ബി​.ഐ അന്വേഷണത്തിന്​ ശിപാർശ ചെയ്​ത ശേഷം ആദ്യമായാണ്​ കുടുംബം ഒരു ദൃശ്യമാധ്യമത്തോട്​ പ്രതികരിച്ചത്​. എന്തിനാണ്​ തിടുക്കപ്പെട്ട്​ മൃതദേഹം സംസ്​കരിച്ചതെന്ന്​ അറിയണമെന്ന്​ സഹോദരൻ പറഞ്ഞു.

കോൺഗ്രസ്​ നേതാക്കളായ രാഹുൽ -പ്രിയങ്ക ഗാന്ധിമാർ ഹാഥറസിലെത്തി മടങ്ങിയതിന്​ പിറകെയാണ്​ കുടുംബം മീഡിയവണിനോട്​ സംസാരിച്ചത്​.