Begin typing your search above and press return to search.
proflie-avatar
Login
exit_to_app
exit_to_app
Sumitra Mahajan
cancel
Homechevron_rightNewschevron_rightIndiachevron_right'തെറ്റായ മരണവാർത്ത...

'തെറ്റായ മരണവാർത്ത അവർക്ക്​ ദീർഘായുസ്​ നൽകും'; വ്യാജവാർത്തക്കെതിരെ സുമിത്ര മഹാജൻ

text_fields
bookmark_border

ന്യൂഡൽഹി: ഒരു വ്യക്തിയുടെ മരണത്തെക്കുറിച്ചുള്ള തെറ്റായ വാർത്തകൾ അവർക്ക്​ ദീർഘായുസ്​ നൽകുമെന്ന്​ മുൻ ലോക്​സഭ സ്​പീക്കർ സുമിത്ര മഹാജൻ. തന്‍റെ മരണവാർത്ത സമൂഹമാധ്യമങ്ങളിൽ പ്രചരിച്ചതോടെയാണ്​ സുമിത്ര മഹാജൻ പ്രതികരണവുമായെത്തിയത്​. ഹാസ്യരൂപേണയായിരുന്നു ​പ്രതികരണം.

വ്യാഴാഴ്ച അർധരാത്രിയോടെയാണ്​ സുമിത്ര മഹാജൻ അന്തരിച്ചുവെന്ന വാർത്ത സമൂഹമാധ്യമങ്ങളിൽ പ്രചരിച്ചത്​. ശശി തരൂർ എം.പി അന​ുശോചന ട്വീറ്റ്​ ചെയ്​​തതോടെ കാട്ടുതീ പോലെ ​വ്യാജവാർത്ത പടർന്നു. പിന്നീട്​ അദ്ദേഹം ട്വീറ്റ്​ പിൻവലിക്കുകയും മാപ്പ്​ പറയുകയുമായിരുന്നു. രണ്ടുദിവസം മുമ്പ്​ 78കാരിയായ സുമിത്ര മഹാജനെ ഇന്ദോറി​െല ബോംബെ ആശുപത്രിയിൽ പനിയെ തുടർന്ന്​ പ്രവേശിപ്പിക്കുകയായിരുന്നു. മരുമകൾക്കും കൊച്ചുമക്കൾക്കും കോവിഡ്​ സ്​ഥിരീകരിക്കുകയും ചെയ്​തിരുന്നു. എന്നാൽ സുമിത്ര മഹാജന്‍റെ പരിശോധന ഫലം നെഗറ്റീവായിരുന്നു. ഇതോടെ സമൂഹമാധ്യമങ്ങളിൽ സുമിത്ര മഹാജൻ അന്തരിച്ചുവെന്ന വാർത്തയാണ്​ പരന്നത്​.

'തന്‍റെ ഇളയമകൻ മന്ദർ മഹാജൻ മരണവാർത്ത പര​ന്നതോടെ എന്നെ വിളിക്കുകയായിരുന്നു. എന്നെ സന്ദർശിച്ച്​ ആരോഗ്യം വിലയിരുത്തി തിരിച്ച്​ പോയതിന്​ ഒരു മണിക്കൂർ കഴിഞ്ഞതോടെയാണ്​ അവൻ വീണ്ടും വിളിച്ചത്​. അപ്പോഴാണ്​ ഞാൻ സംഭവം അറിയുന്നത്​' -സുമിത്ര മഹാജൻ പറഞ്ഞു.

'പിന്നീട്​ പലയിടങ്ങളിൽനിന്നും ഫോൺ വിളികളുടെ ഒഴുക്കായിരുന്നു. ഞാൻ എല്ലാവരോടും മറുപടി പറഞ്ഞു. എന്നാൽ എന്‍റെ ആശങ്ക മൂത്ത സഹോദരനെയും സഹോദരിയെയും കുറിച്ചായിരുന്നു. കാരണം മഹാരാഷ്​ട്രയിലെ ടെലിവിഷൻ ചാനലുകളിൽ വാർത്തകൾ നിറഞ്ഞിരുന്നു. അമേരിക്കയിലെ മകനോട്​ ഞാൻ ആരോഗ്യവാനായിരിക്കു​ന്നുവെന്ന്​ അറിയിക്കാൻ മരുമകളെ ചുമതലപ്പെടുത്തി' -അവർ പറഞ്ഞു.

തരൂരിന്‍റെ ട്വീറ്റ്​ ചർച്ചയായതിന്​ പിന്നാലെ വിശദീകരണവുമായി ബി.ജെ.പി ജനറൽ സെക്രട്ടറി കൈലാശ്​ വിജയ്​ വാർഗിയ രംഗത്തെത്തിയിരുന്നു. സുമിത്ര മഹാജന്​ സുഖമായിരിക്കുന്നുവെന്നും ദീർഘകാലം ജീവിക്കാൻ ദൈവം അനുഗ്രഹിക്ക​ട്ടെയെന്നുമായിരുന്നു വാർഗിയയുടെ ട്വീറ്റ്​. ഇതിനുപിന്നാലെയാണ്​ പിഴവ്​ തിരുത്തിയ വിജയ്​ വാർഗിയക്ക്​ നന്ദി രേഖപ്പെടുത്തി അനുശോചനം ​അറിയിച്ച ട്വീറ്റ്​ നീക്കം ചെയ്​തതായി അറിയിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Shashi TharoorSumitra MahajanFake Death News
News Summary - False news of death gives person longer life Sumitra Mahajan
Next Story