പ്രധാനമന്ത്രിയുടെ പരാജയം രാജ്യത്തെ ലോക്​ഡൗണിലേക്ക്​ നയിക്കുന്നു -രാഹുൽ

ന്യൂഡൽഹി: പ്രധാനമന്ത്രി നരേന്ദ്ര മോദിയുടേയും കേന്ദ്രസർക്കാറി​േൻറയും പരാജയം രാജ്യത്തെ ലോക്​ഡൗണിലേക്ക്​ നയിക്കുകയാണെന്ന്​ കോൺഗ്രസ്​ നേതാവ്​ രാഹുൽ ഗാന്ധി. കോവിഡ്​ പ്രതിരോധത്തിനായി കേന്ദ്രസർക്കാർ ഒന്നും ചെയ്യുന്നില്ലെന്നും രാഹുൽ ഗാന്ധി കുറ്റപ്പെടുത്തി. ട്വിറ്ററിലൂടെയായിരുന്നു കോൺഗ്രസ്​ നേതാവി​െൻറ വിമർശനം.

രാജ്യം പൂർണമായി അടിച്ചിടുന്നതിന്​ താൻ എതിരാണ്​. എന്നാൽ പ്രധാനമന്ത്രിയുടേയും സർക്കാറി​േൻറയും പരാജയം രാജ്യത്തെ ലോക്​ഡൗണിലേക്ക്​ നയിക്കും. പാവങ്ങൾക്ക്​ എത്രയും പെ​ട്ടെന്ന്​ ധനസഹായം നൽകാൻ സർക്കാർ തയാറാവണമെന്നും രാഹുൽ ഗാന്ധി ആവശ്യ​പ്പെട്ടു.

രാജ്യത്തെ ഇന്ധന വില വർധനക്കെതിരെയും രാഹുൽ രംഗത്തെത്തി. തെരഞ്ഞെടുപ്പ്​ കഴിഞ്ഞതിന്​ പിന്നാലെ കൊള്ള വീണ്ടും തുടങ്ങിയിരിക്കുകയാണെന്ന്​ അദ്ദേഹം പറഞ്ഞു. നിലവിലെ സാഹചര്യത്തിൽ എല്ലാവരുടേയും അക്കൗണ്ടുകളിലേക്ക്​ 6000 രൂപയെങ്കിലും നൽകണമെന്നും രാഹുൽ ഗാന്ധി വ്യക്​തമാക്കി.