Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസൈനികർക്ക്​...

സൈനികർക്ക്​ അഞ്ചുകോടി: രാജ്​താക്കറെയുടെ നിർദേശം എതിർത്തതായി​ ഫട്​നാവിസ്​

text_fields
bookmark_border
സൈനികർക്ക്​ അഞ്ചുകോടി: രാജ്​താക്കറെയുടെ നിർദേശം എതിർത്തതായി​ ഫട്​നാവിസ്​
cancel

മുംബൈ: ‘യേ ദിൽ ഹേ മുശ്​കിൽ’ സിനിമ പ്രദർശിപ്പിക്കാൻ അഞ്ചുകോടി സൈനിക ക്ഷേമ നിധിയിലേക്ക്​ നൽകണമെന്ന മഹാരാഷ്​ട്ര നവനിർമാൺ സേനയുടെ നിർദേശത്തെ തുറന്നെതിർത്തിരുന്നുവെന്ന്​ മുഖ്യമന്ത്രി ദേവന്ദ്ര ഫട്​നാവിസ്​. എം.എൻ.എസ്​ നേതാവ്​ രാജ്​താക്കറെയെയും സിനിമാനിർമാതാക്കളെയും പ​െങ്കടുപ്പിച്ച്​ സർക്കാർ നടത്തിയ ഒത്തു തീർപ്പ്​ യോഗത്തിലാണ്​ ഇൗ നിർദേശമുണ്ടായത്​. യോഗത്തിൽ താക്കറെയുടെ നിർബന്ധനയിൽ എതിർപ്പ്​ പ്രകടിപ്പിച്ചിരുന്നു.

ചർച്ചയിൽ മൂന്ന്​ ഉപാധികളാണ്​ രാജ്​ താക്കറെ മുന്നോട്ടുവെച്ചത്​. അതിൽ അഞ്ചുകോടി നൽകുന്നത്​ ഒഴിച്ച്​ മറ്റു രണ്ടു ഉപാധികളും നിർമാതാക്കളുടെ സംഘം സ്വീകരിച്ചു. സൈനിക ക്ഷേമ നിധിയിലേക്ക്​ പണം നൽകണമെന്നത്​ താക്കറെ നിർബന്ധിച്ചപ്പോൾ സംഭാവന അവർ സ്വമേധയാ നൽകേണ്ടതാണെന്ന്​ താൻ വ്യക്തമാക്കി​. എന്നാൽ യോഗത്തിൽ നിർമാതാക്കൾ ആ നിർദേശവും സ്വീകരിക്കുകയാണുണ്ടായത്​- ഫട്​നാവിസ്​ വ്യക്തമാക്കി. വിവാദ വിഷയത്തിൽ മാധ്യമപ്രവർത്തകരുടെ ചോദ്യത്തിന്​ മറുപടി പറയുകയായിരുന്നു അദ്ദേഹം.
 
അനുനയ​ചർച്ച അല്ലാത്തപക്ഷം സർക്കാറിന്​ ചെയ്യാൻ കഴിയുക ചിത്രത്തി​​െൻറ റിലീസിന്​ തീ​േയറ്ററ​ുകൾക്ക്​ പൊലീസ്​ സുരക്ഷ നൽകുക എന്നതാണ്​.  ദീവാപലി അവധി ആഘോഷങ്ങൾക്കിടെ അത്രയും പൊലീസുകാരെ തീയേറ്ററുകളിൽ വിന്യസിക്കുക എന്നതും ബുദ്ധിമുട്ടുള്ള കാര്യമാണ്​. ജനാധിപത്യ രാജ്യമെന്ന നിലയിൽ ചർച്ചകൾക്ക്​ തന്നെയാണ്​ മുൻഗണനയെന്നും യോഗത്തിൽ മധ്യസ്ഥം വഹിച്ചത്​ ആ ബോധത്തോടെയാണെന്നും ഫട്​നാവിസ്​ തുറന്നടിച്ചു.

പാക്​ താരം അഭിനയിച്ച കരൺ ​ജോഹർ ചിത്രം ‘യേ ദിൽ ഹേ മുശ്​കിൽ’ പ്രദർശിപ്പിക്കാൻ അനുമതി നൽകണമെങ്കിൽ നിർമാതാക്കൾ അഞ്ചുകോടി സൈനിക ക്ഷേമ നിധിയിലേക്ക്​ നൽകണമെന്നാണ്​ എം.എൻ.എസ്​ നിർദേശിച്ചത്​. എന്നാൽ താക്കറെ പിടിച്ചുവാങ്ങിയ പണം തങ്ങൾക്ക്​ വേണ്ടെന്ന്​ സൈനിക വൃത്തങ്ങൾ അറിയിച്ചു. ഒക്​ടോബർ 28 നാണ്​ ചിത്രം റിലീസ്​ ചെയ്യുക.

 

Show Full Article
TAGS:karan joar raj thackery film ban 
News Summary - Fadnavis Opposed MNS's Rs 5 Crore Demand in Meeting
Next Story