പൗരത്വ നിയമ ഭേദഗതി: മലേഷ്യൻ പ്രധാനമന്ത്രിയുടെ പ്രസ്​താവന വസ്​തുതാപരമല്ല -ഇന്ത്യ

ന്യൂഡൽഹി: പൗരത്വ നിയമ ഭേദഗതിക്കെതിരായ മലേഷ്യൻ പ്രധാനമന്ത്രി മഹാതീർ മുഹമ്മദിൻെറ പ്രസ്​താവന വസ്​തുതാപരമല്ലെന്ന്​ ഇന്ത്യ. ഇത്​ തീർത്തും ഇന്ത്യയുടെ ആഭ്യന്തര പ്രശ്​നമാണെന്നും വിദേശകാര്യ മന്ത്രാലയം വ്യക്​തമാക്കി​.

ഇന്ത്യൻ പൗരൻമാരെ പൗരത്വ നിയമ​ ഭേദഗതി ബാധിക്കില്ല. മലേഷ്യൻ പ്രധാനമന്ത്രിയുടെ പ്രസ്​താവന വസ്​തുതാപരമല്ല. വസ്​തുതകൾ മനസിലാക്കാതെയുള്ള പ്രസ്​താവനകൾ ഒഴിവാക്കണമെന്ന്​ വിദേശകാര്യമന്ത്രാലയം ആവശ്യപ്പെട്ടു. ഇന്ത്യയുടെ ആഭ്യന്തര പ്രശ്​ന​ങ്ങളിൽ പ്രസ്​താവന നടത്തിയതായി മാധ്യമങ്ങളിലൂടെ അറിയാൻ കഴിഞ്ഞു. മൂന്ന്​ രാജ്യങ്ങളിൽ പീഡനമനുഭവിക്കേണ്ടി വന്ന ന്യൂനപക്ഷങ്ങൾക്ക്​ ഇന്ത്യൻ പൗരത്വം നൽകുന്ന സ്വാഭാവിക നടപടി മാത്രമാണിതെന്നും ഇന്ത്യ വ്യക്​തമാക്കി.

ക്വാലാലംപൂരിൽ മാധ്യമ പ്രവർത്തകരുമായി സംസാരിക്കവെയാണ്​ പൗരത്വ ഭേദഗതി നിയമത്തിൽ മഹാതീർ ആശങ്കയറിയിച്ചത്​.​ ഈ ​രാ​​ജ്യ​ത്തേ​ക്ക്​ (മ​ലേ​ഷ്യ​യി​ലേ​ക്ക്) വ​ന്ന ഇ​ന്ത്യ​ക്കാ​രെ ന​മ്മ​ൾ സ്വീ​ക​രി​ച്ചി​ട്ടു​ണ്ട്. ചൈ​ന​ക്കാ​ർ​ക്ക്​ ന​മ്മ​ൾ പൗ​ര​ത്വം ന​ൽ​കി​യി​ട്ടു​ണ്ട്. പ​ക്ഷേ, മ​ത​നി​ര​പേ​ക്ഷ രാ​ജ്യ​മെ​ന്നു പ​റ​യു​ന്ന ഇ​ന്ത്യ പൗ​ര​ത്വ​ത്തി​ൽ മ​ത​പ​ര​മാ​യ പ​രി​ഗ​ണ​ന​ക​ൾ ന​ൽ​കു​ന്ന കാ​ഴ്​​ച ഖേ​ദ​ക​ര​മാ​ണ്. അ​ത്​ ന​ട​പ്പാ​ക്കി​യാ​ൽ ആ​കെ പ്ര​ശ്​​ന​മാ​കു​മെ​ന്ന്​ ഉ​റ​പ്പാ​ണ്. അ​സ്​​ഥി​ര​ത​യു​ടെ ദു​രി​ത​ങ്ങ​ൾ എ​ല്ലാ​വ​രും സ​ഹി​ക്കേ​ണ്ടി​വ​രുമെന്നായിരുന്നു​ മലേഷ്യൻ പ്രധാനമന്ത്രിയുടെ പ്രസ്​താവന.