Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഫേസ്​ബുക്കും...

ഫേസ്​ബുക്കും ട്വിറ്ററും വിദ്വേഷ ഉള്ളടക്കം നീക്കാൻ ഒരാളെയെങ്കിലും നിയമിക്കണം -ഹൈകോടതി

text_fields
bookmark_border
ഫേസ്​ബുക്കും ട്വിറ്ററും വിദ്വേഷ ഉള്ളടക്കം നീക്കാൻ ഒരാളെയെങ്കിലും നിയമിക്കണം -ഹൈകോടതി
cancel

ന്യൂഡൽഹി: വിദ്വേഷ പ്രസംഗങ്ങളും വ്യാജ വാർത്തകളും നിയന്ത്രിക്കുന്നതിനായി അടിയന്തര നടപടിയെടുക്കാൻ ഗൂഗ്​ളിനും സമൂഹ മാധ്യമ ഭീമൻമാരായ ഫേസ്​ബുക്കിനും ട്വിറ്ററിനും നിർദേശം നൽകിയിരിക്കുകയാണ്​ ഡൽഹി ഹൈകോടതി. വിദ്വേഷ ഉള്ളടക്കം നീക്കം ചെയ്യാനായി പ്രത്യേക ഉദ്യോഗസ്ഥ​ൻമാരെ നിയമിക്കണമെന്നാണ്​ ഹൈകോടതി ഉത്തരവിട്ടിരിക്കുന്നത്​. തീരുമാനമെടുക്കാനായി ഒരു മാസത്തെ സമയവും നൽകിയിട്ടുണ്ട്​.

വിദ്വേഷ ഉള്ളടക്കത്തിൻെറ പ്രചരണം തടയാൻ ജസ്റ്റിസ്​ ഡി.എൻ പ​ട്ടേൽ, സി. ഹരിശങ്കർ എന്നിവരടങ്ങിയ പാനലിനെ ഡൽഹി ഹൈകോടതി നിയമിച്ചു. എല്ലാ സമൂഹ മാധ്യമ കമ്പനികളും വ്യാജ വാർത്തകളും വിദ്വേഷ പോസ്റ്റുകളും നിയന്ത്രിക്കാൻ ഒരാളെയെങ്കിലും ചുമതലപ്പെടുത്തണമെന്ന്​ ഇരുവരും ഉത്തരവിട്ടു. ഇതുമായി ബന്ധപ്പെട്ട അടുത്ത വാദം കേൾക്കൽ ഏപ്രിൽ 24ന്​ നടക്കും​.

ഇന്ത്യയിൽ ഏറ്റവും കൂടുതൽ വ്യാജ വാർത്തകൾ​ പ്രചരിക്കുന്ന വാട്​സ്​ആപ്പിന്​ 40 കോടി​ ഉപയോക്​താക്കളുണ്ടെന്നാണ്​​ കണക്ക്​. ഉത്തരവ്​ നടപ്പാക്കുന്നതോടെ വാട്​സ്​ആപ്പിൻെറ ഉള്ളടക്കം നിയന്ത്രിക്കുന്നതിലാവും ഫേസ്​ബുക്ക്​ ഏറ്റവും അധ്വാനിക്കേണ്ടി വരുക.

അതേസമയം മുൻ ആർ.എസ്​.എസ്​ നേതാവായ കെ.എൻ ഗോവിന്ദാചാര്യ ഇതുമായി ബന്ധപ്പെട്ട്​ നേരത്തെ നൽകിയ ഹരജിയിലാണ്​​ ഡൽഹി ഹൈകോടതിയുടെ നടപടി​. ആവിഷ്​കാര സ്വാതന്ത്ര്യത്തിൻെറ പേരിൽ രാജ്യത്ത്​ ചിലർ വിഭാഗീയതയുണ്ടാക്കുന്നുവെന്നും അത്​ കലാപത്തിലേക്ക്​ നീങ്ങുന്നുവെന്നുമാണ്​ ഗോവിന്ദാചാര്യ കോടതിയിൽ പറഞ്ഞത്​. ഇന്ത്യയുടെ നിയമമനുസരിച്ചല്ല സമൂഹ മാധ്യമങ്ങൾ പ്രവർത്തിക്കുന്നതെന്നും അത്​ നിയന്ത്രണ വിധേയമാക്കണമെന്നും ആർ.എസ്​.എസ്​ നേതാവ്​ പറഞ്ഞിരുന്നു.

Show Full Article
TAGS:fake news facebook twitter 
News Summary - Facebook, Google and Twitter Should Appoint Officers to Remove Fake News-high court-india news
Next Story