"വോട്ട് ചെയ്​തില്ലെങ്കിൽ മുസ്​ലിംകൾ തിക്​തഫലം അനുഭവിക്കേണ്ടി വരും"

ലഖ്​നോ: ബി.ജെ.പി സ്​ഥാനാർഥിക്ക്​ വോട്ട്​ ചെയ്​തില്ലെങ്കിൽ മുസ്​ലിംകൾ​ അനന്തരഫലം അനുഭവിക്കേണ്ടി വരുമെന്ന്​ ബി.ജെ.പി നേതാവി​​​​​െൻറ ഭീഷണി. ഉത്തർ പ്രദേശിലെ ബരബൻകി ജില്ലയിലെ തദ്ദേശ സ്​ഥാപനങ്ങളിലേക്കുള്ള തെരഞ്ഞെടുപ്പ്​ പ്രചാരണത്തിൽ പ്രാദേശിക ബി.ജെ.പി നേതാവ്​ രഞ്​ജിത്​ കുമാർ ശ്രീവാസ്​തവയാണ്​ ഭീഷണി മുഴക്കിയത്​. തെരഞ്ഞെടുപ്പിൽ മത്​സരിക്കുന്ന ഭാര്യ ശശിക്ക്​ വോട്ട്​ പിടിക്കവെയാണ്​ ശ്രീവാസ്​തവ ഭീഷണി മുഴക്കിയത്​.

ആദിത്യനാഥ്​ മന്ത്രി സഭയിലെ ദാരാ സിങ്​ ചൗഹാൻ, രാമപതി ശാസ്​ത്രീ എന്നീ മന്ത്രിമാരുടെ സാന്നിധ്യത്തിലായിരുന്നു ശ്രീവാസ്​തവയുടെ ഭീഷണി. നവംബർ 13ന്​ നടന്ന യോഗത്തി​​​​​െൻറ വിഡിയോ സാമൂഹിക മാധ്യമങ്ങളിൽ പ്രചരിക്കുന്നുണ്ട്​. 

‘ഇവിടെ സമാജ്​വാദി പാർട്ടി സർക്കാറല്ല ഭരിക്കുന്നത്​. നിങ്ങളുടെ നേതാക്കൻമാർക്കൊന്നും നിങ്ങളെ സഹായിക്കാനാകില്ല. റോഡുകളുടെയും ഇടവഴികളുടെയും ഒാവുചാലുകളുടെയുമെല്ലാം പ്രവർത്തനങ്ങൾ മുനിസിപ്പൽ ബോഡിയാണ്​ നിർവഹിക്കുന്നത്​. രഞ്​ജിത്​ സാ​െഹബി​​​​​െൻറ ഭാര്യക്ക്​ നിങ്ങൾ വോട്ട് ചെയ്യുന്നില്ലെങ്കിൽ നിങ്ങൾ സ്വയം പ്രശ്​നങ്ങളിലേക്ക്​ പോക​ുമെന്നും അദ്ദേഹം പ്രസംഗിച്ചു.  

സമാജ്​വാദി പാർട്ടി നിങ്ങളെ സഹായിക്കാനെത്തുകയില്ല. ഇത്​ ബി.ജെ.പിയുടെ മേഖലയാണ്​. ഇതുവരെ അഭിമുഖീകരിക്കാത്ത പ്രശ്​നങ്ങൾ നിങ്ങൾക്ക്​ നേരിടേണ്ടി വരും. അതിനാൽ മുസ്​ലിംകളോട്​ ബി.ജെ.പിക്ക്​ വോട്ട്​  ചെയ്യാൻ ഞാൻ ആവശ്യപ്പെടുകയാണ്​, യാചിക്കുകയല്ല. വോട്ട്​ ചെയ്​താൽ നിങ്ങൾക്ക്​ നല്ലത്​. വോട്ട്​ ചെയ്​തില്ലെങ്കിൽ ഉറപ്പായും തിക്​തഫലം അനുഭവിക്കേണ്ടി വരു​െമന്നും ശ്രീവാസ്​തവ ഭീഷണി​െപ്പടുത്തി. 

2012 ൽ ശ്രീവാസ്​തവയെ മേഖലയിലെ മുസ്​ലിംകൾ പിന്തുണച്ചില്ലെങ്കിലും പക്ഷഭേദമില്ലാതെ അവിടെ വികസന പ്രവർത്തനങ്ങൾ നടപ്പാക്കിയെന്നുമാണ്​ അദ്ദേഹം ഉദ്ദേശിച്ചതെന്ന്​ ബി.ജെ.പി വാക്​താവ്​ ആർ.പി സിങ്​ പറഞ്ഞു. സംസ്​ഥാനത്തെ ഭരണം ബി.ജെ.പിയാണ്​ കൈയാളുന്നത്​. ബി.ജെ.പി ഇതര സ്​ഥാനാർഥി വിജയിച്ചാൽ അവിടെ തെരഞ്ഞെടുക്കപ്പെട്ട ചെയർപേഴ്​സണ്​ പ്രവർത്തനങ്ങൾ പൂർത്തീകരിക്കാൻ ബുദ്ധിമുട്ടാകുമെന്നുമാണ്​ ശ്രീവാസ്​തവ പറയാൻ ശ്രമിച്ചതെന്നും ആർ.പി സിങ്​ വിശദീകരിച്ചു.