മൂന്നാം തരംഗം കുട്ടികളെ ഗുരുതരമായി ബാധിക്കുമെന്നതിന്​ തെളിവില്ലെന്ന്​ വിദഗ്​ധർ

ന്യൂ​ഡ​ൽ​ഹി: കോ​വി​ഡ്​ ര​ണ്ടാം ത​രം​ഗ​ത്തി​ൽ നി​ന്ന്​ രാ​ജ്യം മെ​ല്ലെ ക​ര​ക​യ​റി​വ​രു​ന്ന​തേ​യു​ള്ളൂ. മൂ​ന്നാം ത​രം​ഗ​ത്തെ​യും ക​രു​തി​യി​രി​ക്ക​ണ​മെ​ന്ന്​ ആ​രോ​ഗ്യ​വി​ദ​ഗ്​​ധ​രു​ടെ മു​ന്ന​റി​യി​പ്പു​മു​ണ്ട്. മൂ​ന്നാം ത​രം​ഗം മു​തി​ർ​ന്ന​വ​രെ​ക്കാ​ൾ കു​ട്ടി​ക​ളെ​യാ​ണ്​ കൂ​ടു​ത​ൽ ബാ​ധി​ക്കു​ക എ​ന്ന ആ​ശ​ങ്ക നി​ല​നി​ൽ​ക്കു​ന്നു​മു​ണ്ട്. എ​ന്നാ​ൽ, ഇൗ ​ആ​ശ​ങ്ക സാ​ധൂ​ക​രി​ക്കു​ന്ന തെ​ളി​വു​ക​ളൊ​ന്നും ഇ​തു​വ​രെ ഇ​ല്ലെ​ന്നാ​ണ്​ ആ​രോ​ഗ്യ​വി​ദ​ഗ്​​ധ​ർ​ത​ന്നെ ന​ൽ​കു​ന്ന വി​വ​രം. രാ​ജ്യ​ത്തെ പ്ര​ധാ​ന​പ്പെ​ട്ട ശി​ശു​രോ​ഗ വി​ദ​ഗ്​​ധ​രെ ചേ​ർ​ത്ത്​ ലാ​ൻ​സെ​റ്റ്​ കോ​വി​ഡ്​ ക​മീ​ഷ​ൻ ഇ​ന്ത്യ ടാ​സ്​​ക്​ ​ഫോ​ഴ്​​സ്​ ന​ട​ത്തി​യ പ​ഠ​ന​ത്തി​ലാ​ണ്​ ആ​ശ്വാ​സ​മേ​കു​ന്ന ഇൗ ​റി​പ്പോ​ർ​ട്ട്.

മു​തി​ർ​ന്ന​വ​രെ​ക്കാ​ൾ ല​ഘു​വാ​യാ​ണ്​ കു​ട്ടി​ക​ളെ കോ​വി​ഡ്​ ബാ​ധി​ക്കു​ന്ന​തെ​ന്നും വേ​ഗ​ത്തി​ൽ അ​വ​ർ സു​ഖ​പ്പെ​ടു​ന്ന​തും മ​ര​ണ​നി​ര​ക്ക്​ കു​റ​വാ​ണെ​ന്ന​തും മൂ​ന്നാം ത​രം​ഗം കു​ട്ടി​ക​ളെ രൂ​ക്ഷ​മാ​യി ബാ​ധി​ക്കാ​ൻ സാ​ധ്യ​ത കു​റ​വാ​ണെ​ന്ന്​ പ​ഠ​നം പ​റ​യ​ു​ന്നു. കു​ട്ടി​ക​ളി​ലു​ണ്ടാ​കു​ന്ന കോ​വി​ഡ്​ മി​ക്ക​പ്പോ​ഴും ല​ക്ഷ​ണ​ങ്ങ​ളി​ല്ലാ​ത്ത​താ​ണ്. ചി​ല കു​ട്ടി​ക​ളി​ൽ നേ​രി​യ ല​ക്ഷ​ണ​ങ്ങ​ളോ​ടെ​യാ​ണ്​ കോ​വി​ഡ്​ ബാ​ധി​ക്കു​ന്ന​ത്. ചി​ല​രി​ൽ പ​നി​യും വ​യ​റി​ള​ക്കം, ഛർ​ദി, വ​യ​റു​വേ​ദ​ന തു​ട​ങ്ങി​യ ല​ക്ഷ​ണ​ങ്ങ​ളും ക​ണ്ടു​വ​രാ​റു​ണ്ട്.

പ്രാ​യം കൂ​ടു​ന്ന​തി​ന​നു​സ​രി​ച്ച്​ രോ​ഗ​ല​ക്ഷ​ണ​ങ്ങ​ളു​ടെ കാ​ഠി​ന്യം വ​ർ​ധി​ക്കു​ന്ന​താ​യും റി​പ്പോ​ർ​ട്ടി​ൽ പ​റ​യു​ന്നു. കോ​വി​ഡ്​ ബാ​ധി​ത​രാ​യ കു​ട്ടി​ക​ളെ​ക്കു​റി​ച്ച്​ ദേ​ശീ​യ​ത​ല​ത്തി​ൽ കൃ​ത്യ​മാ​യ വി​വ​ര​ങ്ങ​ൾ ല​ഭ്യ​മ​ല്ലാ​ത്ത​ത്​ ഇൗ ​മേ​ഖ​ല​യി​ലെ പ​ഠ​ന​ത്തി​ന്​ പ്ര​തി​സ​ന്ധി സൃ​ഷ്​​ടി​ക്കു​ന്ന​താ​യി റി​പ്പോ​ർ​ട്ടി​ൽ പ​റ​യു​ന്നു​ണ്ട്.

ത​മി​ഴ്​​നാ​ട്, കേ​ര​ളം, ഡ​ൽ​ഹി, മ​ഹാ​രാ​ഷ്​​ട്ര എ​ന്നീ സം​സ്ഥാ​ന​ങ്ങ​ളി​ൽ ആ​ശു​പ​ത്രി​ക​ളി​ൽ പ്ര​വേ​ശി​പ്പി​ച്ച 2600 കു​ട്ടി​ക​ളെ കേ​ന്ദ്രീ​ക​രി​ച്ച്​ ന​ട​ത്തി​യ പ​ഠ​ന​ത്തി​െൻറ അ​ടി​സ്ഥാ​ന​ത്തി​ലാ​ണ്​ റി​പ്പോ​ർ​ട്ട്​ ത​യാ​റാ​ക്കി​യ​ത്. ഇൗ ​പ്രാ​യ​ക്കാ​രി​ലെ മ​ര​ണ​നി​ര​ക്ക്​ 2.4 ശ​ത​മാ​ന​മാ​ണ്. ഇ​വ​രി​ൽ 40 ശ​ത​മാ​നം പേ​രും മ​രി​ച്ച​ത്​ മ​റ്റു രോ​ഗ​ങ്ങ​ൾ കാ​ര​ണ​മാ​ണെ​ന്നും പ​ഠ​ന​ത്തി​ൽ പ​റ​യു​ന്നു.

രോ​ഗ​ബാ​ധി​ത​രാ​യ ല​ക്ഷം കു​ട്ടി​ക​ളി​​ൽ 500 പേ​രെ മാ​ത്ര​മേ ആ​ശു​പ​ത്രി​യി​ൽ പ്ര​വേ​ശി​പ്പി​ക്കേ​ണ്ടി​വ​ന്നു​ള്ളൂ​വെ​ന്നും അ​തി​ൽ ര​ണ്ടു ശ​ത​മാ​നം മാ​ത്ര​മാ​ണ്​ മ​ര​ണ​മ​ട​ഞ്ഞ​തെ​ന്നും സം​ഘാം​ഗ​മാ​യ ഓ​ൾ ഇ​ന്ത്യ ഇ​​ൻ​സ്​​റ്റി​റ്റ്യൂ​ട്ട്​ ഒാ​ഫ്​ മെ​ഡി​ക്ക​ൽ സ​യ​ൻ​സ​സി​ലെ ഡോ​ക്​​ട​ർ സു​ശീ​ൽ കെ. ​ക​ബ്ര വ്യ​ക്ത​മാ​ക്കു​ന്നു.

എ​ന്നാ​ൽ, ആ​സ്​​ത​മ, പൊ​ണ്ണ​ത്ത​ടി, മ​റ്റ്​ അ​വ​യ​വ​ങ്ങ​ളു​ടെ പ്ര​വ​ർ​ത്ത​ന​ത്തി​ൽ ത​ക​രാ​ർ എ​ന്നി​വ​യു​ള്ള കു​ട്ടി​ക​ളു​ടെ കാ​ര്യ​ത്തി​ൽ ജാ​ഗ്ര​ത വേ​ണ​മെ​ന്നും സം​ഘം മു​ന്ന​റി​യി​പ്പ്​ ന​ൽ​കു​ന്നു.