തമിഴ്​നാട്​ മുഖ്യമന്ത്രിപദം: ശശികലക്കെതി​െ​ര ശശികല പുഷ്​പ

ചെന്നൈ: ജയലളിതയുടെ തോഴി വി.കെ ശശികല തമിഴ്​നാട്​ മുഖ്യമന്ത്രിയാകുന്നതിനെ എതിർത്ത്​ എ.​െഎ.എ.ഡി.എം.കെ പുറത്താക്കിയ രാജ്യസഭ എം.പി ശശികല പുഷ്​പ. ശശികലക്ക്​ ക്രിമിനൽ പശ്​ചാത്തലമുണ്ടെന്ന്​ ആരോപിച്ചാണ്​ എതിർപ്പ്​. ശശികലയെ മുഖ്യമന്ത്രിയായി നിർദ്ദേശിച്ചത്​ തെറ്റാണ്​. അവർക്ക്​ ക്രിമിനൽ പശ്​ചാത്തലമുണ്ട്​. അവർക്കെതിരായ കേസുകളിൽ വിധി വന്നിട്ടില്ലെന്നും പ്രധാനമന്ത്രി നരേന്ദ്ര മോദിക്കും തമിഴ്​നാട്​ ഗവർണർ വിദ്യാസാഗർ റാവുവിനും അയച്ച കത്തിൽ ശശികല പുഷ്​പ ആരോപിക്കുന്നു.

ജയലളിതക്കും ശശികലക്കുമെതിരെയുള്ള അനധികൃത സ്വത്ത്​ സമ്പാദന കേസാണ്​ എം.പി ചൂണ്ടിക്കാട്ടിയത്​. കേസിൽ ശശികല കുറ്റവാളിയാ​െണന്ന് ബംഗളൂരു വിചാരണ കോടതി കണ്ടെത്തിയിരുന്നു. കർണാടക ഹൈകോടതി ഇവരെ കുറ്റവിമുക്​തരാക്കിയിരുന്നെങ്കിലും അതിനെതി​രായ ഹരജി സുപ്രീം കോടതിയു​െട പരിഗണനയിലാണ്​.

പാർട്ടിക്ക്​ വേണ്ടി അടിസ്​ഥാനപരമായി ഒന്നും ചെയ്യാത്തയാളെ ആണ്​ മുഖ്യമന്ത്രിയാക്കുന്നതെന്നും പുഷ്​പ ആരോപിക്കുന്നു. ജയലളിത ആ​ശുപത്രിയിലായപ്പോൾ ശശികലയെ മുഖ്യമന്ത്രി സ്​ഥാനത്തേക്ക്​ ഉയർത്തി കാട്ടിയിരുന്നില്ല. ശശികല മുഖ്യമന്ത്രിയായാൽ ക്രമസമാധാന പ്രശ്​നങ്ങൾ ഉണ്ടാകുമെന്നും പുഷ്​പ ചൂണ്ടിക്കാട്ടി. ശശികലയെ മുഖ്യമന്ത്രിയായി നിർദ്ദേശിക്കരുതെന്ന്​ ​പ്രധാനമന്ത്രിയോടും ഗവർണറോടും അവർ കത്തിൽ ആവശ്യ​െപ്പടുന്നുമുണ്ട്​.

എ.െഎ.എ.ഡി.എം.കെ ജനറൽ സെക്രട്ടറിയായി ശശികലയെ നിയമിച്ചത്​ നടപടിക്രമങ്ങൾ പാലിക്കാതെ ആണെന്ന്​ ആരോപിച്ച്​ നേരത്തെ, പുഷ്​പ തെരഞ്ഞെടുപ്പ്​ കമീഷനെ സമീപിച്ചിരുന്നു. അതിനെ തുടർന്ന്​ കമീഷൻ പാർട്ടിയോട്​ വിശദീകരണം തേടിയിരുന്നു.