വിവാഹം കഴിപ്പിക്കാനായി പീഡനം: പരാതിയുമായി ബി.ജെ.പി മുൻ എം.എൽ.എയുടെ മകൾ

ഭോപാൽ: വിവാഹം കഴിപ്പിക്കാനായി വീട്ടുകാർ നിരന്തരം കുത്തിവെപ്പുൾപ്പെടെ നൽകി പീഡിപ്പിച്ചുവെന്ന്​ മധ്യപ്രദേശ ിലെ ബി.ജെ.പി മുൻ എം.എൽ.എയുടെ മകൾ പൊലീസിൽ പരാതി നൽകി. ഭോപാൽ സെൻട്രലിലെ മുൻ എം.എൽ.എ സുരേന്ദ്ര നാഥ്​ സിങ്ങി​െൻറ 28കാര ിയായ മകൾ ഭാരതി സിങ്ങാണ്​ മറ്റൊരു എം.എൽ.എയുടെ മകനെക്കൊണ്ട്​ വിവാഹം കഴിപ്പിക്കാൻ വീട്ടുകാർ പീഡിപ്പിച്ചെന്ന്​ പരാതിപ്പെട്ടത്​. സുരക്ഷ വേണമെന്ന്​ ജബൽപുരിലെ മധ്യപ്രദേശ്​ ഹൈകോടതിയിൽ ഹരജി നൽകിയിട്ടുമുണ്ട്​.

മാനസികാസ്വാസ്​ഥ്യം പ്രകടിപ്പിക്കുന്ന മകളെ ഒക്​ടോബർ 16 മുതൽ കാണാനില്ലെന്നു കാണിച്ച്​ സുരേന്ദ്രനാഥ്​ കമലനഗർ പൊലീസിൽ പരാതി നൽകിയിരുന്നു. തുടർന്നാണ്​ അഭിഭാഷകനായ അങ്കിത്​ സക്​സേന വഴി ഹൈകോടതിയിൽ ഭാരതി സിങ്​ പീഡന വിവരം വിശദമാക്കി സുരക്ഷ ആവശ്യപ്പെട്ടത്​.

‘‘പത്തു വർഷത്തോളമായി പീഡനം സഹിക്കുന്നു​. പലവട്ടം വീടുവിട്ടിറങ്ങി. ഇപ്പോൾ എ​​െൻറ ആഗ്രഹത്തിന്​ എതിരായി വീട്ടുകാർ എം.എൽ.എയുടെ മകനെ വിവാഹം കഴിപ്പിക്കാൻ സമ്മർദം ചെലുത്തുന്നു. മരുന്നു കഴിപ്പിക്കുകയും കുത്തിവെക്കുകയും ചെയ്​തു. എനിക്ക്​ മാനസിക പ്രശ്​നങ്ങളില്ല. രേഖകളെല്ലാം കെട്ടിച്ചമച്ചവയാണ്​. ഞാൻ ക്രിസ്​ത്യാനിയുടെയോ മുസ്​ലിമി​​െൻറയോ ഒപ്പമല്ല. സ്വന്തം ഇഷ്​ടപ്രകാരം വീടുവിട്ടിറങ്ങിയതാണ്’’ -ഭാരതി സിങ്​ വിഡിയോ ക്ലിപ്പിൽ വ്യക്​തമാക്കി.