You are here

ഗോവ മുൻ ആരോഗ്യമന്ത്രി കോവിഡ്​ ബാധിച്ച്​ മരിച്ചു

11:53 AM
07/07/2020

പനാജി: ഗോവ മുൻ ആരോഗ്യമന്ത്രിയും ബി.ജെ.പി നേതാവുമായ സുരേഷ്​ അമോൻകർ കോവിഡ്​ ബാധിച്ച്​ മരിച്ചു. 68 വയസായിരുന്നു. ജൂൺ അവസാന വാരം ഇദ്ദേഹത്തിന്​ കോവിഡ്​ പോസിറ്റീവായതിനെ തുടർന്ന്​ മഡ്​ഗാവിലെ ഇ.എസ്​.ഐ ആശുപത്രിയിൽ പ്രവേശിപ്പിച്ചിരുന്നു. തിങ്കളാഴ്​ച വൈകിട്ട്​ ആരോഗ്യനില വഷളായതിനെ തുടർന്ന്​ മരിച്ചുവെന്ന്​ ആരോഗ്യ വകുപ്പ്​ അറിയിക്കുകയായിരുന്നു. 

അണുബാധ കണ്ടെത്തിയതിനെ തുടർന്ന്​ കുറച്ചുദിവസങ്ങളായി ഇദ്ദേഹത്തി​​​െൻറ ആരോഗ്യനില മോശമായിരുന്നു. അമോൻകറി​​​െൻറ മരണം ഏറെ വേദനിപ്പിക്കുന്നതായി ഗോവ ആരോഗ്യമന്ത്രി വിശ്വജിത്ത്​ റാണെ ട്വീറ്റ്​ ചെയ്​തു. മുൻമന്ത്രിയുടെ മരണത്തിൽ ഗോവ മുഖ്യമന്ത്രി പ്രമോദ്​ സാവന്ത്​ അനുശോചനം രേഖപ്പെടുത്തി.

രണ്ടുതവണ ഗോവ ബി.ജെ.പി ​അധ്യക്ഷൻ​ കൂടിയായിരുന്ന അമോൻകർ 1999 ലാണ്​ ഗോവ നിയമസഭയിൽ അംഗമാകുന്നത്​. ഫ്രാൻസിസ്​കോ സർദിൻഹ മന്ത്രിസഭയിലും മനോഹർ പരീക്കറി​​​െൻറ ആദ്യ  മന്ത്രിസഭയിലും ഇദ്ദേഹം അംഗമായി. ആരോഗ്യം, തൊഴിൽ വകുപ്പുകളാണ്​ ഇദ്ദേഹം കൈകാര്യം ചെയ്​തിരുന്നത്​.  

Loading...
COMMENTS