ആനന്ദിബെൻ പട്ടേൽ മധ്യപ്രദേശ് ഗവർണർ

ന്യൂഡൽഹി: ഗുജറാത്ത് മുൻ മുഖ്യമന്ത്രി ആനന്ദിബെൻ പട്ടേൽ മധ്യപ്രദേശ് ഗവർണറായി. നിയമനം സംബന്ധിച്ച്​ ഒൗദ്യോഗിക പ്രഖ്യാപനം നടന്നതായി രാഷ്​ട്രപതി ഭവൻ ട്വിറ്ററിൽ കുറിച്ചു. 
നിലവി​ൽ ഗുജറാത്ത് ഗവർണർ ഒ.പി. കോഹ്​ലിക്കാണ് മധ്യപ്രദേശി‍​​െൻറ അധിക ചുമതല. 76 വയസ്സുള്ള ആനന്ദിബെൻ 2014 ^16 കാലയളവിലാണ്​ ഗുജറാത്ത് മുഖ്യമന്ത്രിയായിരുന്നത്.

സംവരണ പ്രക്ഷോഭം ഉൾപ്പെടെ കൈകാര്യം ചെയ്യുന്നതിലെ വീഴ്​ചയുടെ പേരിൽ അമിത്​ ഷാ മുൻകൈയെടുത്താണ്​ സ്​ഥാനത്തുനിന്ന്​ മാറ്റിയത്​. തുടർന്ന്​ ത​​​െൻറ അടുപ്പക്കാരനായ വിജയ്​ രൂപാണിയെ നിയമിക്കുകയായിരുന്നു. ഇൗയിടെ നടന്ന നിയമസഭ തെര​ഞ്ഞെടുപ്പിൽ കനത്ത തിരിച്ചടിയുണ്ടായ സാഹചര്യത്തിൽ, പാട്ടീദാർ സമുദായത്തിലെ രോഷം തണുപ്പിക്കാനുള്ള ​ശ്രമങ്ങളുടെ ഭാഗമായാണ്​ ആനന്ദിബെൻ പ​േട്ടലിനെ ഗവർണറാക്കിയതെന്നാണ്​ സൂചന.