മുൻ ക്രിക്കറ്റ് താരം ദിനേഷ് മോംഗിയയും കോൺഗ്രസ്​ എം.എൽ.എമാരും ബി.ജെ.പിയിൽ

ചണ്ഡീഗഡ്: മുൻ ക്രിക്കറ്റ് താരം ദിനേഷ് മോംഗിയ ബി.ജെ.പിയിൽ ചേർന്നു. ഡൽഹിയിലെ പാർട്ടി ഓഫീസിൽ നടന്ന ചടങ്ങിലാണ്​ പാർട്ടിയിൽ ചേർന്നത്​. ഏതാനും മാസത്തിനുള്ളിൽ പഞ്ചാബിൽ നിയമസഭാ തെരഞ്ഞെടുപ്പ് നടക്കാനിരിക്കെ ആണ് 44 കാരനായ മോംഗിയ ബി.ജെ.പിയിൽ പ്രാഥമിക അംഗത്വം സ്വീകരിക്കുന്നത്. ഇന്ത്യക്കായി പരിമിതമായ ഓവറുകളിൽ അന്താരാഷ്ട്ര മത്സരങ്ങളിൽ കളിച്ച മുൻ താരം പഞ്ചാബിലാണ് താമസിക്കുന്നത്.

പഞ്ചാബിലെ മൂന്ന് കോൺഗ്രസ്​ എം.എൽ.എമാരും ബി.ജെ.പിയിൽ ചേർന്നിട്ടുണ്ട്​. ഫുത്തഹ്​ സിങ്​ ബജ്​വ, ബൽവീന്ദർ സിംഗ് ലഡ്ഡി, റാണാ ഗുർമീത് സോദി എന്നീ എം.എൽ.എമാരാണ്​ കോൺഗ്രസ്​ വിട്ടത്​.